Sábado. 25.06.2022
El tiempo

A deseñadora carballesa Anna Viu presentou a súa creación Garabato

Anna Viu en Garabato 2
A deseñadora carballesa Anna Viu presentou a súa creación Garabato

Encheuse de moda o estudo Garabato para recibir as creacións de Anna Viu. A deseñadora carballesa, gañadora no 2021 do certamen de xóvenes deseñadores da Mostra do Encaixe de Camariñas coa sua colección “The beautiful brut”, trouxo á Galería de Mon Lendoido os seus deseños dende os seus inicios ata o día de hoxe.

”Dende pequena sempre tiven un sentimento especial pola moda, influenciado pola personalidade do meu pai, fillo dunha representante da moda feminina na Coruña, el entendeu a miña necesidade desta arte. Incluso cando era nena, xa estaba fixada en accesorios e elementos de moda peculiares”, explicou Anna durante a presentación esta fin de semana.

”Cando conseguín entrar no mundo do deseño decateime de que non tiña as ferramentas básicas, por iso empecei a aprender o oficio dende cero, aprendendo a fiar o fío con Ana V e a desenvolver proxectos de moda artística con Mon Lendoiro, volvendo atrás. ao colexio e ao Liceo a Paz”, explicaba. !Catro anos despois entendín que o mundo da moda é máis complexo que o concepto que tiña cando era pequena, require constancia, traballo, dedicación e esforzo. A satisfacción de ver unha prenda rematada non ten prezo”.

Anna Viu en Garabato 3
Anna Viu, de negro, explicando algunha das súas prendas na inauguración da mostra

comentarios