Nova reunión celebrada onte no Polígono de Bértoa. A xunta directiva da asociación de Empresarios despediu a Evencio Ferrero, cun detalle, e quixo dar a benvida e agradecer a boa disposición do novo rexedor, Daniel Pérez, que acudiu acompañado polo concelleiro de Promoción Económica, Xosé Regueira.

Ampliación e Variante

Son dous asuntos primordiais os que están enriba da mesa de cara ao futuro, que en común teñen que seguir esixindo á Xunta. 

Sen dúbida, o máis urxente é a ampliación do polígono, que, segundo os últimos prazos ofrecidos pola Xunta de Galicia tras a aprobación do plan estruturante, arrincará no 2027.

O empresariado lembrou que de xeito paralelo debería acometerse a construción da Variante, algo no que tamén coincide o goberno municipal. Daniel Pérez insistiu na imperiosa necesidade de desviar o tráfico pesado da zona urbana, tanto para facilitar a actividade empresarial como, sobre todo, para mellorar a seguridade viaria nas zonas do Chorís e da Milagrosa. 

Proxectos municipais

A nivel municipal, nestes momentos está en execución o contrato de subministro e instalación dunha báscula para camións, que foi adxudicado a Consccy202SL por máis de 121.000 euros. E tamén será adxudicado nos próximos días o contrato de instalación de casetas para oficinas e vestiarios, cun orzamento de 38.398 euros. 

Por parte da asociación de empresarios presentáronse varias propostas.

Máis novas