Onte soubemos os gañadores do concurso de escaparates e de terrazas do Concello de Carballo. Unha proposta que tamén desenvolven en Vimianzo para dinamizar o pequeno comercio da vila e que ademais serven para darlle cor ás rúas. I é que Carballo é unha vila eminentemente comercial e hai que coidalo.

No concurso de escaparates, o primeiro premio foi para a tenda Mar de Encuentros. En segundo lugar quedou a floristería Deva, e o terceiro e o cuarto premio foron, respectivamente, para a zapataría Zocas e a tenda de moda A Fragua de Mo.
No certame de terrazas, a mellor valorada foi a da mítica taberna O Mexillón, situada na céntrica casa na que naceu Alfredo Brañas. En segundo lugar, quedou a cafetaría El Patio. O xurado non considerou pertinente conceder un terceiro e un cuarto premio.

Tendes toda unha Galería no Facebook de Turismo Carballo dos escaparates participantes.

Novas relacionadas

• O Comercio de Vimianzo está moi vivo na rede e nos escaparates.
li>Carballo recupera a súa memoria a través da rede.
• Receitas do Outono Carballés: Polvo con grelos da Pedra.

Fonte

• Turismo Carballo.