O Concello de Vimianzo segue interesado en apoiar o pequeno Comercio de Vimianzo, tratando de que o consumidor local aposte polas tendas que ten próximas e tamén pola competitividade de cada negocio. Para iso, neste Nadal, emprendéronse as seguintes accións, que tratan de involucrar os negocios.

Así, por exemplo, a comezos de mes os hostaleiros vimianceses puideron escoitar as verbas do carballés Manuel Pan, de Abertal Comunicación, nunha charla sobre redes sociais para o Comercio.
Ademais, persoal do concello percorreu os establecementos que manifestaron o seu desexo de participar na campaña para fotografar produtos que poden ser obxecto de regalo nestas festas. O fin é elaborar un catálogo virtual que facilmente se poida distribuír nas redes sociais e que achegue ideas aos consumidores de diferentes xeitos: por destinatarios, por materia, etc. Son 9 os establecementos que decidiron participar neste catálogo, que se está elaborando.

Pero probablemente a iniciativa máis salientable, que xa o ano pasado tivo unha acollida espectacular é o Concurso de Escaparates. Este Nadal participan 11 comercios, e xa se está facendo divulgación a través das redes sociais e do www.facebook.com/comercio.vimianzo. Estes son os comercios participantes:

• Arranxos. Reparación de calzado.
• Mobles Ciriaco.
• Floristería González.
• Moblería Orva.
• Panadería Sampedro.
• Perfumería e complementos Posse’s.
• T’Gustas (moda).
• A Tenda de Ma.
• Xoiería Victoria.
• Vístete (moda).
• Descuento Loco.

Novas relacionadas

• Vimianzo prepara un Nadal.
• Eu agasallo en galego.
• Un Nadal máis co Apalpador.
• 2011: Os Concursos de Nadal encheron de vida a capital de Soneira.

Fonte

• Concello de Vimianzo.