Xa o contabamos onte, as pintadas na Moa obrígannos a lanzar un Berro seco na defensa do Monte Pindo. I é que a situación é tremenda, pois varias as accións contra o patrimonio natural denunciadas nos últimos días.

De feito, a Asociación Monte Pindo Parque Natural envíanos hoxe estas fotos, onde vemos como "un dos restos arqueolóxicos máis importantes do Monte Pindo e de Galicia, a inscrición do pico do Penafiel, foi salvaxemente vandalizada con spray, provocando uns danos que poden ser irreversibles, á espera de valoración do sucedido polos expertos."

Historia da inscrición

A inscrición foi ordenada no ano 1130 polo arcebispo Xelmírez, excomulgando o castelo do lugar (existe diverxencia de opinións na comunidade científica sobre a que tipo de castelo se refire), o que supón un caso único en Galicia de excomuñón dun lugar físico e por tanto a toda persoa que entrara nel, debido a que toda a zona fora un importante lugar de conspiracións políticas da época.

O lamentable feito descubriuno a Asociación Monte Pindo Parque Natural, nunha prolongada visita ao monte feita este domingo en compaña de, entre outros, Manuel Gago, recenten entrevistado en QPC, xornalista e gran estudioso da arqueoloxía, autor do considerado dos mellores blogs de Galicia, Capítulo 0, e fundador da plataforma PatrimonioGalego.net. O obxecto da visita era, precisamente, seguir investigando sobre a historia e os restos arqueolóxicos do Monte Pindo, o que nos levou como non podía ser doutro xeito ao Penafiel, onde puidemos descubrir esta aberración de recente factura.

Sinatura do/a responsable

Neste caso, o atentado pode responder á autoría dunha persoa alcumada "Rojo", dado que nas proximidades da incrición de Penafiel apareceu esa sinatura co mesmo tipo de pintura usada na vandalización da excomuñón.

Novas relacionadas

• Berro seco na defensa do Monte Pindo.
• Fotodenuncia: Pintadas no Monte Pindo.

Outras novas

• Entrevista con Manuel Gago: “O litoral da Costa ten propiedades hipnóticas”.
• Recuperando a historia da Ermida do Monte Pindo.
• A bitácora da semana (CXXXIII): Laberinto Atlántico.
• III Encontro Monte Pindo: O Monte Pindo disfrutou dun Encontro con historia, música, gastronomía e deporte.
• O agora e o antes do piñeiral da Moa .

Máis novas

• O Monte Pindo de Galicia e os grabados rupestres prehistóricos, por José Luis Galovart Carrera.
• Coñecendo as lendas históricas do Monte Pindo, por Jose Luis Galovart Carrera.

Fonte

• Nota de prensa da Asociación Monte Pindo Parque Natural.