Esta tarde de sábado, o 112 abriu un dispositivo de busca por 3 persoas que a pasada tarde saíran ao mar dened o porto do Pindo. Segundo fontes da zona, serían 3 homes da Pobra do Caramiñal, que onte chegaban ata o lugar do Pindo coa súa planeadora de 7 metros e se botaban ao mar, supostamente, a pescar.

Hoxe as familias lanzaban a alarma, e o 112 comezaba un operativo por terra, mar e aire. Varoas embarcacións do Servizo de Gardacostas de Galicia, o helicóptero de Salvamento, os axentes da Garda Civil, da Policía Local e os membros de Protección Civil de Carnota, Dumbría e Cee, colaboran na busca.

Finalmente, eran as 21:00h deste sábado cando eran atopados, con vida, mentres navegaban pola zona. Volvían a porto escoltados por Salvamento Marítimo, Garda Civil e Aduanas de Muros.