Luns. 15.08.2022
El tiempo

De temporal en temporal: Toca #BorrascaGisele

De temporal en temporal: Toca #BorrascaGisele
Sen tempo a recuperarnos de Félix, xa chegou canda nós a #BorrascaGisele. Numerosas chuvias e fortes refachos de vento volven azoutar a bisbarra, ata o punto de que a estación da Gándara (Vimianzo) rexistrou refachos de 138 km/h, o máis forte de Galicia. Lira é o segundo punto máis venteado do país con refachos de ata 129km/h. Así mesmo, a estación xalleira de Fontecada volveu recibiu a maior cantidade de chuvia durante esta mañá, (69.9 L/m2), por diante da coristanquesa de Río do Sol (64.5 L/m2), e da zaseira de Coto Muiño (52.5). E iso que Meteogalicia estima que o vento máis forte entre as 10h e as 13 h, quedando ademais a nova Alerta Laranxa (de vento e costeiros) activa ata a tarde/noite do xoves 14. Así, concellos como Santa Comba xa teñen prohibido calquera actividade deportiva nas instalacións municipais ao aire libre ao longo deste mércores 14. Para que o comprobedes, así zoaba Gisele por Corcubión esta mañá: https://www.facebook.com/quepasanacosta/videos/10156047140107177/?t=0

Incidencias

Colision dun coche cunha arbore en Muxia-Foto-Prot Civil Un coche colisionu cunha árbore caída en Muxia-Foto-Protección Civil Houbo ademais varias incidencias. Por Muxía, a Agrupación de Protección Civil tivo que saír, xunto coa Policía Local e a Garda Civil de Tráfico, arredor das 7:30h. Un coche colisionaba cunha árbore que estaba caída na estrada local das Fraguas entre Moraime e Agreiras. Afortunadamente, vendo o estado do vehículo, non houbo que lamentar danos persoais.  Borrasca Gisele Foto-Protección Civil Proteccion Civil sacando un coche dunha arbore Proteccion Civil e Policía Local traballando no punto do accidente para liberar o coche-Foto-Prot. Civil Tocoulle tamén aos Bombeiros de Cee achegarse ata Señoráns, Vimianzo, arredor das 2:40 da madrugada, para recoller unha árbore caída na estrada que vai a Traba de Laxe.

Máis novas de temporais

Fonte

comentarios