Ao longo do mes de xullo, podes aprender a escribir a través dun obradoiro de escritura para mulleres que impartirá este mes de xullo Ester Vázquez na Libraría Chorima de Carnota. A psicopedagoga, con formación en traballo de procesos grupais e terapia narrativa, ofrece unha “experiencia grupal de análise e descuberta dos aspectos máis descoñecidos e misteriosos da experiencia subxectiva da femenidade”.

A través da lectura e creación de textos literarios, tecerán un marco referencial para a integración da experiencia vital. “Traballaremos para reconstruír o sentido do que somos e fomentar novas formas de relación con nós mesmas e cos demais”, explica Vázquez. “Empregaremos mitos, historias, poemas, reconstrucións literarias dos arquetipos femeninos, como medio para explorar e conformar o noso mundo interno e identidade. Achegarémonos creativamente aos diferentes relatos que constrúen o imaxinario feminino.