A revolución mediática provocada polo sector pesqueiro de Lira e Cedeira provocou unha reacción dende o seo da Consellería do Mar. A presión fixo entender a necesidade de non deixar morrer un proxecto pioneiro a nivel mundial, e Mar parece que respondeu. Ou alomenos así nolo conta Emilio Louro, Milucho, Secretario da Confraría de Lira, que quere agradecer a pronta solución do problema por parte da Xunta (vemos abaixo a carta).

Homenaxe ao ex patrón maior

Un dos verdadeiros culpables de que Lira sexa coñecida en medio mundo (abaixo poderemos ver qye chegaron cartas de apoio dende Brasil, Arxentina e mesmo da Plataforma Mediterránea de Pescadores artesanais), é o que foi Patrón Maior da Confraría de Lira dende 1997 ata o 2010. Juan Manuel Gómez Leis vivirá o seu homenaxe-xantar o vindeiro sábado 16 de abril. Xa se poden inscribir no 981 76 12 52 ou 635 60 00 76 antes do 8 de abril. O xantar custa 35€.

Carta da Confraría de Pescadores de Lira

No día 17 de marzo, a Consellería do Mar prantexou unha solución a problemática xerada ante a perda do servizo de vixianza na Area Mariña Protexida de Interese Pesqueiro Coxestionada de “Os Miñarzos”. Desde a confraría de Lira valorase positivamente o esforzo realizado pola consellería nos últimos días para solventar un problema que estaba a causar un profundo malestar entre os usuarios da reserva.

O Patrón Maior da confraría, José Antonio Insua Caamaño agradece que se axilizasen ás xestións para evitar que a zona delimitada como reserva quedase sen servizo durante varios días, xa que eso facilitaría a presenza de furtivos da zona, que xa se deixaban ver nos últimos días polas inmediacións do porto, coñecedores do remate do contrato de vixianza no día de onte 17 de marzo, e que provocou que mariscadores e mariñeiros afectados vivisen con inquedanza as últimas horas. Que a zona quedase sen efectivos para realizar a vixianza suporía, con toda seguridade, un serio revés para a situación dos recursos pesqueiros e marisqueiros como o percebe, a centola e mesmo as zonas declaradas como reservas integrais que podían ser obxetivo da acción dos furtivos . O traballo de 4 anos, desde que se ten decretada a reserva podía botarse por terra en moi pouco tempo, e con elo enterraríanse as ilusións que o sector pesqueiro ten depositado nun proxecto que xa está dando resultados aínda que se leve un corto espazo de tempo desde a súa creación.

Aínda que a proposta prantexada non acada o nivel de servizo que se viña prestando na actualidade, e conscientes da coxuntura económica que se está a vivir, considerase unha proposta aceptable.

A aposta por unha pesca sostenible prantexada desde o sector debe ser apoiada con determinación pola administración pesqueira, dispondo dos mecanismos necesarios para garantir un futuro mellor para as comunidades pesqueiras artesanais, que na actualidade están atravesando por unha delicada situación (incremento prezos comustible, reducción de cotas, baixos prezos do peixe. Etc.).

Cando na actualidade se está a debatir a reforma da PPC é cando temos que demostrar que os pescadores somos protagonistas necesarios, capaces de levar a cabo, en réxime de coxestión, xunto coa administración pesqueira, ferramentas de xestión que polo seu deseño están servindo de modelo en distintos puntos do estado español e mesmo a nivel mundial. Un claro exemplo delo son as multiples mostras de apoio que se recibiron nos últimos días na confraría de Lira desde distintos ámbetos, comunidades pesqueiras de Brasil, Arxentina, Mediterráneo, o ICSF (Colectivo Internacional de Apoio a Pesca Artesanal) ONGs, medioambientalistas (OCEAN 2012, WWF, Greenpeace, Oceana, Ecoloxistas en Acción), e multitude de apoios amosados por distintas vías a título individual (cartas, redes sociais…). A confraría quer agradecer o apoio recibido e as mostras de cariño hacia un proxecto que se está a construir entre todos e do que todos nos imos sentir orgullosos.

Desde a confraría de Lira apuntase que a situación vivida nestos días de incertidume sobre o futuro da vixianza non pode volver repetirse, ao igual que o acontecido no pasado ano, e prantexan que as solucións deben ter continuidade no tempo, xa que este tipo de ferramentas de xestión que son as áreas mariñas protexidas teñen que ter garantido o seu financiamento por períodos longos do tempo e non ir pechando acordos e chegando a solucións “in-extremis” . Tamén se considera que hai fórmulas para o abaratamento do servizo como e a dotación de dispositivos de control abordo das embarcacións censadas, que facilitaría enormemente o control e que reduciría o número de efectivos necesarios para realización da vixianza. Para elo a confraría de Lira, pon a disposición da administración un sistema de control deseñado con fondos aportados por WWF e que esta organización facilita a confraría para melloralo servizo de control e vixianza.

A confraría de pescadores de Lira quer reiterar o agradecemento a Consellería do Mar polo esforzo feito nos últimos días para restitución do servizo de vixianza.

• Asda: Confraría de Pescadores de Lira.

Novas relacionadas

• A Xunta deixa morrer a Reserva Mariña de Lira, que segue dando exemplo en festivais de todo o mundo.
• Unha reserva de vida na Costa da Morte.
• 4 apostas audiovisuais da Costa da Morte optan aos Premios Mestre Mateo.
• A Reserva Mariña de Lira protagonista en toda suramérica.

Máis novas

• O Campionato Cazafotsub recolle as imaxes submariñas máis impactantes dos Miñarzos.
• Italia saborea os tesouros do mar de Lira.
• Un estudio de futuro sobre a Área Protexida dos Miñarzos .
• Os Miñarzos, o mellor exemplo de pesca sostible para WWF-Adena.
• O futuro da pesca: Un exemplo dende Lira.
• Lira, protagonista do Escaravajo verde da TVE.

Fonte

• Redacción de QPC ([email protected]).