La Vuelta volverá ao Ézaro por segunda vez-Foto-Jorge Parri

• Despois do éxito da edición de 2012, onde foi final de etapa, volve ao percorrido da Volta a sempre espectacular ascensión ao Mirador de Ézaro. Sen entrar en comparacións, quizá un dos sitios máis belos aos que chegou a Volta nos últimos anos. A dureza das súas rampas deixaranos imaxes, igual que na chegada de 2012, que pasarán á historia da Volta. Serán 170 quilómetros que acabarán cun final que non deixará indiferente a ninguén e…

 

Así define a organización a 3ª etapa da edición de La Vuelta a España 2016. Sen dúbida, a subida ao Mirador do Ézaro será un dos grandes puntos de referencia dunha das probas ciclistas máis importantes do mundo.

Xa o sabiamos dende que o alcalde nolo confirmara en setembro do ano pasado, pero esta fin de semana tivo lugar a presentación de La Vuelta 2016 no Hostal dos Reis Católicos de Santiago de Compostela. Alí estivo unha completa expedición dumbriesa, co alcalde José Manuel Pequeño á cabeza, co concelleiro Raúl González, o técnico de Deportes César Ferrío, a Concelleira Ana Casais e Vicente Formoso, Triki, ademais de Ezequiel Mosquera.

Expedicion dumbriesa na presentación en Santiago de #LV2016

Un novo impulso turístico

Saben dende Dumbría a importancia dos eventos para a promoción turística. Xa o tiñan claro, pero despois de comprobar o crecemento de turistas nun 155% en 2103 despois do paso do pelotón pola zona, xa non cabe dúbida. Volverán ser case 200 países os que vexan as impresionantes imaxes da nosa bisbarra dende o ceo.

O paso da Volta pola Costa

Así, La Vuelta arrincará con acento galego, en Ourense, o sábado 20 de agosto. Será o luns 22 de agosto de 2016 cando o pelotón invada a nosa bisbarra. Esa 3ª etapa partirá de Marín, irá subndo cara o norte, entra na zona por Suevos, subindo polos Montes de Carnota. Baixará o pelotón para dar a volta enteira por Muros e volver a subir ata o Alto das Paxaireiras, dende onde baixarán ata Caldebarcos e Quilmas, e dende onde arrincarán cara o Alto do Ézaro.

O pelotón marchará en todo caso esa mesma tarde pois a saída da 4ª etapa farase en Betanzos e rematará en San Andrés de Teixido.

Viviremos algo así:

 

Inscricións no Ézaro

E mentres, xa podes ir pensando en inscribirte para ser un dos 1000 participantes no Gran Fondo Ézaro

Novas relacionadas

• Setembro 2015: La Vuelta volverá rematar no Alto do Ézaro en 2016.
• Pequeño: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
• Gran Fondo Ézaro 2015: Da man ata o Mirador do Ézaro.
• Indurain e Chiapucci estrearon a Penelas Bikes, a revolución da bici integral “made in Costa da Morte”.
• Emotiva presentación do Gran Fondo Ézaro, unha proba de primeiro nivel internacional.
¡
• A verdadeira costa da morte é a subida ao Alto do Ézaro.
• Dumbría presenta un máis duro Gran Fondo do Ézaro con miras internacionais.

Máis novas

• O Turismo do Ézaro crece nun 155% no último ano.
• “O Mirador do Ézaro convírtese nun porto mítico en Galicia referencia da peregrinaxe do ciclismo”.
• Alfredo Relaño: “Non coñecía este emprazamento privilexiado ata que o ciclismo o ensinou ao mundo”.
• Desafío 2014: A épica marcou un Desafío do Atlántico pasado por auga.
• Vuelta 2013: Volta a España con Final na Fin do Mundo.
• Desafío 2013: O tempo non foi Desafío abondo para o pelotón.
• Vuelta 2012: A Costa da Morte vibrou coa Vuelta.

Fonte

• Redacción de QPC ([email protected]).