Levanos hoxe Quino Pais, amante das rochas do Monte Pindo, de ruta por un novo camiño. Xa nos ten levado polo recuperado Roteiro das Peixeiras descubrindo o Outeiro das Cacholas, aproveitando ademais para desbrozar e limpar o camiño.

Desta volta, lévanos polas Ruta do Río dos Muíños, que percorre o Chan das Lamas saíndo entre Quilmas e Panchés. É unha ruta pequena, de menos de 1,5km. O nome vaille ao pelo, pois seguindo o rio ata a desembocadura na praia de Carreiroa, hai un total de 19 muíños, un deles practicamente na praia.

Cóntanos Quino que “a ruta é ben bonita. Case todo o camiño ten o ancho para pasar un coche, que dá a impresión de que se fixo fai poucos anos cunha retroescavadora”. Pero a día de hoxe, “o problema é que está impracticable debido aos toxos”, a pesar das pasadas co ousiño que lle pegou, cunha intención de dar a coñecer o noso patrimonio e de recuperar un antigo camiño.

Por iso propón, unha xornada de desbroce aos voluntarios que se apunten.

Administracións?

O ideal sería que o Concello e a Consellería de Medio Rural tomasen en serio a zona, e intentasen restaurar algún muíños, como fixeron cos de Caldebarcos, onde a veciñanza tamén tivo traballo arreo.
Na actualidade, como podemos ver nas fotos que nos manda, quitando dous que teñen o teito con louzas de pedra e outros dous que están medio restaurados, os demais están cos muros ao aire libre, esmorecendo. De feito, a varios leváronlles as moas, que seguro que a día de hoxe fan de fermosas mesas en casas de campo da zona.

Camiñada-Limpeza

Quino ponse á disposición para realizar unha xornada camiñada-limpeza, así que non tedes máis que propoñer unha data a través do whatsApp (627 92 82 82), e avisar a QPC para promocionala e xuntar cantas máis máis posibles.

Novas relacionadas

• Apadriña unha árbore no Monte Pindo.
• Facendo cumio do Roteiro das Peixeiras do Monte Pindo.
• A recuperación do Camiño das Peixeiras descobre outro Outeiro das Cacholas.
• Recuperando o camiño das peixeiras para cruzar o Monte Pindo.

Outras novas

• As Bondades da Fala: Pepe do Fieiro: “Dicían os nosos vellos….
• A Fonte das Chozas, a fonte dos Encantos do Monte Pindo.
• Ézaro, unha viaxe polas covas dos agochados no Monte Pindo (Parte 1).

Fonte

• Redacción de QPC (info@quepasanacosta.gal).