Un grupo de alumnos e alumnas remataron o nivel completo de linguaxe musical Tras un longo ano de aprendizaxe chegan as merecidas vacacións. Pero non sen antes facer unha clausura das actividades. É o caso da escola municipal de música -ESMU - de Carnota e da escola de baile e música tradicional da asociación cultural Adro de Baio. En Carnota, a cida será o vindeiro luns, 20 de xuño, ás 19 horas no local da asociación Pedramar, no porto do Pindo. Uns 120 alumnos e alumnas demostrarán todos os coñecementos musicais adquiridos ao longo do curso que trascorreu con total normalidade. Celebraronse, como vén sendo habitual, os tres festivais anuais, o concerto por Santa Cecilia e a participación no concurso Quero Cantar, cunha composición propia, organizado pola Deputación da Coruña. Neste curso rematan o nivel completo de Linguaxe Musical o grupo de 6º. Precisamente o mércores, os seus mestres entregaronlle os diplomas e medallas correspondentes e eles dedicáronlle unhas fermosas verbas en agradecemento a todos estes anos de dedicación. Adro de Baio Pola súa banda, a asociación cultural Adro de Baio clausura este domingo a súa escola de baile e música tradicional. Máis de 80 alumnos e alumnas participaron ao longo de todo o ano nas clases de pandeireta, gaita, percusión e baile. A cita é ás 18 horas no pavillón deportivo de Baio.

Novas relacionadas

• A ESMU de Carnota prepara un concerto para a Semana Santa
• Completo programa para a Semana Santa en Carnota ca Mostra Víndemo Ver
• A ESMU de Carnota nunca falla
• A Escola de Música volve encher o Salón de Plenos de Carnota

Fonte

• Redacción de QPC ([email protected]).