Esta pasada tarde de venres, arredor das 20:00h, unha muller sufría un accidente laboral nunha conserveira do lugar de Freán, en Carnota.

Unha máquina atrapou o brazo da operaria e, malia que foi liberada rapidamente coa axudas dos compañeiros e compañeiras, as lesión provocadas no brazo son graves.

A vítima foi trasladada en helicóptero medicalizado ata o Complexo Hospitalario Universitario de Santiago despois de recibir os primeiros coidados no mesmo lugar do accidente.

Tamén foron avisados os membros do 061, do GES de Muros e os axentes da Garda Civil. Con todo, cando o equipo de rescate chegou ao punto da emerxencia, a muller tiña o brazo liberado.