Pablo Álvarez da Plataforma en Defensa do Castelo do Príncipe co voceiro do BNG de Cee Serxio Domínguez na porta da Valedora do Pobo o pasado mes de novembro

Aló polo mes de novembro A Plataforma en Defensa do Castelo de Ameixenda e o BNG levaban á Valedora do Pobo a petición de apertura do BIC. Máis de dous meses despois a Valedora segue esperando pola documentación necesaria que lle ten solicitado á Xunta.

A contestación da Valedora aos colectivos implicados é clara: “A Consellería de Cultura, Educación e Ordenación Universitaria persiste na súa actitude de non enviar a información requerida en relación coa súa queizxa, a pesar de que a demandamos en dúas ocasións.
Ante iso, pola nosa banda vímonos obrigados a recordar de novo á citada consellería o seu deber de colaborar ao rápido esclarecemento da situación que nos expón na queixa (art. 26.1 da Lei do Valedor do Pobo). No caso de persistir esta actitude procederemos a realizar unha advertencia sobre as súas consecuencias legais. Tan pronto como recibamos o correspondente informe poñerémonos de novo en contacto con vostede, dándollo conta da nosa actuación e, se é posible, da solución do seu problema”.

Baixo o parecer da Plataforma e do Bng de Cee, “a consellería está a incumprir a súa obriga porque sabe que temos razón nas nosas reivindicacións e non lles interesa nen o mais míninmo a apertura da fortaleza, algo que de producirse, ademáis de obedecer a lei, sería un importante estímulo para o turismo na bisbarra.” Así, “esperaramos un tempo prudencial, e de persistir a actitude procederemos a novas iniciatuvas, esta vez directamente ante a consellería”.

Do mesmo xeito, o Bng xa ten presentado no parlamento unha iniciativa e están a espera de que sexa tratada en comisión. Nela diríxense directamente á Xunta para preguntar que ten pensado facer para que o Castelo sexa posto a visita pública catro días ao mes, tal e como se contempla na normativa BIC.

Artigos de Víctor Castiñeira sobre o Castelo do Príncipe

• Castelo do Príncipe (IV): A lexislación
• Castelo do Príncipe (I): A defensa marítima.
• Castelo do Príncipe (II): O contexto da construción do Castelo e das outras fortalezas defensivas das nosas costas.
• Castelo do Príncipe (III): O castelo na actualidade.

 

Novas relacionadas

• Novembro 17: BNG e Plataforma en Defensa do Castelo do Príncipe levan a apertura do BIC á Valedora do Pobo:
• Setembro 2017: O caso do Pazo de Meirás aumenta a expectación sobre a apertura do Castelo de Ameixenda.
• Maio 2017: Recollen máis sinaturas para a apertura do Castelo de Ameixenda.
• Abril 17: O BNG de Cee pide que se abra ao público o castelo de Ameixenda.
• Marzo 2017: Víctor Castiñeira debullou a historia do Castelo do Príncipe.
• Novembro 2016: Unha viaxe histórica pola época medieval con Víctor Castiñeira.
• Outubro 2016: A loita polo Castelo do Príncipe continúa na rede
• Setembro 2016: Abren unha campaña de firmas para pedir que o castelo da Ameixenda sexa público.
• 2013: Esixen, unha vez máis, a apertura conforme á lei do Castelo de Ameixenda
• 2009: Denuncia pola apertura do Castelo do Príncipe.

Fonte

• Redacción QPC (info@quepasanacosta.com)