Sesion de Emerxencias no Mes da Fundacion Fernando Blanco

En marcha xa a 5ª edición do Programa "O Mes da Fundación”. O pasado venres arrincaba un completo programa pensado por un lado para escolares e por outro para público en xeral. Foron os primeiros os que abrían o telón deste cargado mes de outubro, recibindo a visita de Jesus Rey Ferreiro, técnico de emerxencias sanitarias - 061. A sesión rondaba arredor "A importancia dos primeiros auxilios. Entre todos podemos salvar vidas”.

Foron máis de 200 alumn@s da ESO do Colexio Manuela Rial, do IES Fernando Blanco e do IES Agra de Raíces, os que escoitaron atentantamente as indicacións do técnico.

Sesión de Emerxencias no Mes da Fundación Fernando Blanco

As Silenciadas

Mercedes Álvarez Lires no Mes da Fundación Fernando Blanco de Cee

Xa o sábado, comezaban as actividades para o público en xeral. Facíao coa conferencia "Mulleres científicas esquecidas e silenciadas: O caso das científicas mariñas", impartida por Mª Mercedes Álvarez Lires (Doutora en Química e Profesora de Didáctica das Ciencias Experimentais da Facultade de Ciencias da Educación e do Deporte da Universidade de Vigo).

Interesantísima e moi necesaria conferencia na que a profesora examinou algúns dos mecanismos de exclusión que mantiveron ás mulleres arredadas da actividade científica, as estratexias que desenvolveron para superar estes mecanismos e a evolución desta situación dende a antiguedade ata o momento actual.

Como caso particular abordouse o referente ás científicas que se ocuparon da sustentabilidade dos océanos e o seu papel de pioneiras na ciencia oceanográfica dende comezos do século XX. Tal foi o caso de Elisabet Mann Borgese, Ángeles Alvariño, Aida Fernández, Josefina Castellví e as oceanógrafas pioneiras do Instituto Español de Oceanografía.

Con este párrafo dunha canción da cantante protuguesa Missia rematou a conferencia:
Penélope tecía e destecía o veo ata que un día cansou de esperar por Ulises, que estaba nas praias perdido entre sereas. Gardou o tear e foise polo mundo en procura de Odiseas. Ulises regresou vello e canso mais, ai!, Penélope xa non estaba a súa espera”.

 

Máis citas

O programa continúa o martes 10 de outubro cunha sesión de narración oral, impartida por Raquel Queizás, titulada "Romaría", e dirixida ao alumnado de 5º e 6º de Primaria dos colexios Eugenio López e Manuela Rial de Cee, e tamén aos usuari@s de ASPADEX.

E o sábado 14 de outubro, ás 20:30 horas, na Casa da Cultura de Cee, Anxo Pintos impartirá o concerto comentado "A zanfona. A aventura milenaria da monocleta sonora”.

Novas relacionadas

• Outubro é o mes da Fundación Fernando Blanco.

Máis novas

• O XIX Simposio Pondaliano encherá de cultura os martes de outubro a aldea do Couto.
• Bazarra segue aportando combustible cultural á Fundación Fernando Blanco

Gañadores dos Premios Fernando Blanco

• Os Relatos da Fundación: Renacer.
• Os Relatos da Fundación: Quero ser mariñeiro.
• Os Relatos da Fundación: O Corazón do Mar.
• Os Relatos da Fundación: O paseo de Xoana pola Costa da Morte.
• Os Relatos da Fundación: Explorando a Costa da Morte.
• Os Relatos da Fundación: A perdición galega.
• Os Debuxos da Fundación (II).
• Os Debuxos da Fundación.
• A Fundación Fernando Blanco de Cee entrega os premios do IV concurso de Debuxo e do V concurso de Relatos Cortos

Fonte

• Redacción de QPC (info@quepasanacosta.com).