Pablo Álvarez da Plataforma en Defensa do Castelo do Príncipe co voceiro do BNG de Cee Serxio Domínguez na porta da Valedora do Pobo

Para Plataforma en Defensa do Castelo do Príncipe e para o BNG, a apertura (nos días que abriga a lei) do Castelo de Ameixenda “sería un elemento dinamizador do turismo na Costa da Morte, e un dereito da veciñanza a coñecer o noso patrimonio cultural e histórico”. Por iso, o BNG que leva anos traendo o asunto á actualidade política, uniu forzas coa Plataforma en Defensa do Castelo do Príncipe, activa dende hai aproximadamente un ano, para presentar ante a Valedora do Pobo un escrito de reclamación no que demandan a apertura ao público deste ben de interese cultural (BIC), solicitando que a institución inste ao Goberno galego a que faga cumprir a normativa que establece un réxime de visitas ao público de catro días ao mes.

“É unha obriga a apertura deste castelo e por iso damos este paso ante a Valedora do Pobo para que se respecte a lei, que indica que este ben de interese cultural que temos no Concello de CEE ten que abrir catro días ao mes”, salientou o portavoz municipal do Bloque neste municipio, Serxio Domínguez.

Xunto ao factor dinamizador para o turismo e a súa beneficiosa repercusión na economía local, o portavoz municipal do Bloque apela ao dereito dos veciños e veciñas de Cee “para que a xente do pobo que nunca entramos teñamos acceso a coñecer e visitar este patrimonio cultural e histórico cando queiramos”.

Non esqueceron que ao outro lado da Ría está o castelo do Cardeal, “tamén con categoría de ben de interese cultural que sería un atractivo turístico a sumar”. Iso si, non son os únicos BIC da comarca pechados a cal e canto que habería que recuperar para a cidadanía.

Artigos de Víctor Castiñeira sobre o Castelo do Príncipe

• Castelo do Príncipe (IV): A lexislación
• Castelo do Príncipe (I): A defensa marítima.
• Castelo do Príncipe (II): O contexto da construción do Castelo e das outras fortalezas defensivas das nosas costas.
• Castelo do Príncipe (III): O castelo na actualidade.

 

Novas relacionadas

• Setembro 2017: O caso do Pazo de Meirás aumenta a expectación sobre a apertura do Castelo de Ameixenda.
• Maio 2017: Recollen máis sinaturas para a apertura do Castelo de Ameixenda.
• Abril 17: O BNG de Cee pide que se abra ao público o castelo de Ameixenda.
• Marzo 2017: Víctor Castiñeira debullou a historia do Castelo do Príncipe.
• Novembro 2016: Unha viaxe histórica pola época medieval con Víctor Castiñeira.
• Outubro 2016: A loita polo Castelo do Príncipe continúa na rede
• Setembro 2016: Abren unha campaña de firmas para pedir que o castelo da Ameixenda sexa público.
• 2013: Esixen, unha vez máis, a apertura conforme á lei do Castelo de Ameixenda
• 2009: Denuncia pola apertura do Castelo do Príncipe.

Fonte

• Redacción QPC (info@quepasanacosta.com)