Por terceiro ano, a Fundación Fernando Blanco de Lema de Cee celebra o programa educativo-cultural “O Mes da Fundación. Outubro 2015″ xunto coa colaboración da Deputación da Coruña e de varios establecementos da vila. O programa, que se desenvolverá ao longo de todo o mes de outubro, conta cunha dobre programación. Por un lado, realizaránse actividades dirixidas todos os centros de ensino de Cee independentemente do seu nivel educativo. E por outro, todos os sábados do mes de outubro desenvolveránse actividades gratuítas para todos os públicos baixo a seguinte programación:

• 3 de outubro, ás 20 horas, na casa da Cultura de Cee: “Os centinelas do mar: fortificacións en altura na Costa da Morte”. Conferencia de Manuel Gago, doutor en CC. da Información, profesor na facultade de CC. da Información da USC, divulgador e investigador arqueolóxico.
• 10 de outubro, ás 19 horas, no I.E.S. Fernando Blanco: Ofrenda floral e misa na honra de D. Fernando Blanco de Lema e de todos os mestres, alumnos e alumnas do centro.
• 1o de outubro, ás 21 horas, na casa da Cultura de Cee: “Pantasmas familiares”, monólogo a cargo de Quico Cadaval.
• 17 de outubro, ás 21 horas, na casa da Cultura de Cee: “Protón”, discurshow (charla científica teatralizada) protagonizada por Xurxo Mariño, doutor en Ciencias Biolóxicas pola USC, profesor no departamento de Medicina da USC, especialista en Neurofisioloxía; e por Vicente de Sousa, actor nas series “Libro de familia”, “Mareas Vivas”, “Padre Casares”,”Matalobos”, “Pratos Combinados”, “Los hombres de Paco”, entre outras.
• 24 de outubro, ás 20:30 horas, na casa da Cultura de Cee: “ADN Forense”, conferencia de Ángel Carracedo, doutor en Medicina pola USC, director da Fundación Pública Galega de Medicina Xenómica, director do Instituto de Medicina Legal, director do Centro Nacional de Xenotipado, entre outros cargos.
• 31 de outubro, ás 20:30 horas, na casa da Cultura de Cee: “Os instrumentos musicais na tradición galega”, concerto didáctico a cargo de Pablo Carpintero, investigador musical e colaborador no programa “Luar” da TVG.

Novas relacionadas

• Os 5 mellores expedientes do Fernando Blanco levaron premio
• A Fundación Fermando Blanco recompensa a aplicación dos mellores alumnos ceenses
• Os Relatos da Fundación Fernando Blanco (II).
• Os Relatos da Fundación Fernando Blanco (I).
• Os debuxos da Fundación (II).
• Os debuxos da Fundación Fernando Blanco (I).
• A Fundación Fernando Blanco xa ten os seus debuxos e relatos gañadores.
• Os mellores expedientes de Cee teñen premio.
• Máis combustible para a Fundación Fernando Blanco.
• O Mar será o protagonista dos novos Concursos de Relatos e Debuxos da Fundación Fernando Blanco.
• Fernando Blanco a ritmo de rap.
• Miguel San Claudio contoulle a Fernando Blanco a historia dos naufraxios costeiros.
• A emoción foi a protagonista no 218 aniversario de Fernando Blanco.
• Os alumnos de Cee coñecen de preto a Costa dos mil naufraxios.
• Xabier Díaz trouxo o mellor da música galega a Cee.

Máis información

• Recunchos da Costa: O Edificio Fernando Blanco.
• QPC: Tesouros da Fundación.
• QPC: Fernando Blanco de Lema, por Darío Areas (V) – 125 anos de historia educativa no Instituto Fernando Blanco:
• Patrimonio Galego: Edificio Fernando Blanco de Cee.
• http://www.museofernandoblanco.org.

Fonte:

• Redacción QPC ([email protected])