O peche dos centros escolares tamén provoca cancelacións históricas. Con pesar así o anuncia José Ramón Rey Senra, Ténico da Biblioteca Pública Municipal “Francisco Mayán”, que tivo que cancelar os concursos de achegamento cultural no ensino por primeira vez nos seus 29 anos de existencia.

Deste xeito, os “XXIX Concurso de Achegamento ó Libro” e “Na Procura do Noso XVI Marcapáxinas” quedan para o curso que vén.

A realidade é que o 99% dos traballos presentados en todos estes anos (van 7.402 traballos presentados nos 28 anos de vida dos certames dende 1992), entregáronos os profesores/as dos distintos centros de ensino da bisbarra en sobre pechado no Rexistro Xeral do Concello. De aí a decisión.

Non obstante, os/as alumnos/as de Educación Primaria que desexen entregar marcapáxinas e relatos de Achegamento ó Libro poderán facelo fora de concurso, unha vez que volva a abrir ao público o centro de lectura. Os orixinais quedarán en poder da Biblioteca, a cal se reserva os dereitos de explotación do traballo, produción, distribución, exposición, transformación ou calquera outro tratamento posterior, sempre sen ánimo de lucro.

Novas relacionadas

• Decembro 2019: A Biblioteca de Cee xa ten o seu Marca-páxinas na rúa.
• 2019: A Biblioteca de Cee xa ten os seus escolares gañadores dos concursos de Achegamento ao Libro e Marcapáxinas.
• Maio 18: A Biblioteca de Cee xa ten gañadores dos seus Certames Literarios.
• Maio 2017: Os certames escolares culturais da Biblioteca Francisco Mayán alcanzan os 7.000 traballos presentados.
• Maio 2016: Máis de 400 rapaces achéganse á cultura cos certames da Biblioteca de Cee.