Contabamos a semana pasada que a chegada, por sentenza xudicial, de celadores ao HVdX está a provocar o despido de 4 Técnicos de Coidados de Enfermería. Despois da denuncia do Sindicato de Técnicos de Enfermería (SAE), colle o relevo o PSOE que esixe á Xunta que non despida a eses profesionais sanitarios.

“O cumprimento da sentenza que obriga ao Sergas a contratar celadores non pode supor prescindir doutros profesionais sanitarios como os técnicos en coidados de enfermería”, afirma a deputada Begona Rodríguez, que levará o asunto ao Parlamento
“Non podemos permitir novos recortes na sanidade pública galega, falamos dun servizo básico e esencial para os nosos veciños e veciñas”, engade o PSdeG.

Os socialistas lembran que o PP recortou 976 profesionais da sanidade pública galega, a maior parte deles en hospitais comarcais e centros de saude fora das áreas urbanas, o que supón un deterioro importante donsistema público de saude que está a perxudicar a veciñanza de comarcas como a Costa da Morte.

Novas relacionadas

• Denuncian que a chegada, por sentenza xudicial, de celadores ao HVdX provoque o despido de 4 TCE: