Mércores. 27.10.2021
El tiempo

Licitan un proxecto para mellorar as urxencias no Hospital de Cee

20211006 Visita Hospital Cee2
Licitan un proxecto para mellorar as urxencias no Hospital de Cee

Anunciaba esta semana a contratación de dous novos [email protected] para o Centro de Saúde de Cee. Pero son moitas as necesidades nos edificios sanitarios da comarca. Entre eles o Hospital Virxe da Xunqueira, para o que anunciaban onte a licitación do proxecto de mellora das urxencias do Hospital de Cee nos vindeiros días, para o que se estima un investimento, entre obra e equipamento, de 400.000 euros.

As novas urxencias contarán cun circuíto específico permanente e independente para a atención e illamento diferenciado dos pacientes con patoloxías respiratorias, incorporando un novo control de enfermería para ese dobre circuíto. Ademais, as novas dependenciais engadirán aos actuais sete boxes de observacións e ao único existente para pacientes illados outros 5 boxes, todos eles preparados para pacientes illados. Tamén se incorporarán unha nova sala de traballo médico e unha nova de traballo de enfermería.

O Sergas tamén porá en marcha neste mes, no Servizo de Oftalmoloxía deste hospital, as consultas de retina médica e os tratamentos intravitreos que afectan á retina. Estará dispoñible todos os martes e os xoves en horario de tarde.

comentarios