A OEPLI (Organización Española para el Libro Infantil y Juvenil) vén de facer un repaso ás mellores propostas do 2020 na materia. En colaboración coas entidades autonómicas, como a Asociación Galega do Libro Infantil e Xuvenil, o ente dependente do Ministerio presenta unha Selección da mellor Literatura Infantil e Xuvenil de España do ano 2020.

E entre as propostas atopamos con alegría dúas pezas de autoras costeiras, que ademais son nai e filla. Concha Blanco, recentemente homenaxeada na casa, e María Canosa, forman parte desta selección. Fano cos seus libros para peques “Oficios e profesións poemas son” e “Unha fábrica de Bicos”.