Obradoiro no IES Fernando Blanco

Remata un mes de vertixe cultural da Fundación Fernando Blanco de Cee na 5ª edición do programa O Mes da Fundación. Un mes cheo de charlas e citas teatrais e musicais para estudantes e público en xeral. Foi o alzhéimer o protagonista dos últimos días de programa, cuns obradoiros e unha obra de teatro ben interesante.

Durante a mañá do venres, alumnos de Bacharelato do IES Fernando Blanco aprenderon moitísimo cos obradoiros titulados "Teatro e memoria. Obradoiro para espectadores”. Esther Carrodeguas e Pepa Barreiro, da Compañía ButacaZero, desenvolveron este proxecto que nace da necesidade de falar sobre o esquecemento en escena. Pero tamén da necesidade de reflexionar e de compartir as nosas reflexións, ou de pensar entre todos que implica a memoria e o esquecemento.

Uns obradoiros de achegamento ao teatro, e tamén para que os alumnos descubran o teatro como ferramenta para pensarnos, repensarnos, e axudarnos a vivir mellor.

Ao teatro

Pepa Barreiro de ButacaZero en Cee Impresionante actuación de Pepa Barreiro de ButacaZero en Cee

Xa pola noitiña, a escena trasladouse ao Auditorio Baldomero Cores da Casa da Cultura ceesa, para que a propia Compañía ButacaZero desenvolvese a obra teatral “Na butaca. Fantasía nº 3 en dor maior”, dirixida por Esther Carrodeguas, e interpretada maxistralmente por Pepa Barreiro. Unha obra recén estreada o pasado 21 de setembro, día mundial do alzheimer, no Teatro Principal de Santiago.

A obra aborda, de maneira poética e optimista, o tema do esquecemento; concretamente o esquecemento como doenza tipo demencia ou alzheimer, que adoita instalarse nas mentes de persoas de certa idade. Partindo da idea de vivir no presente desa personaxe que está esquecida, achéganos a unha realidade que por veces nos amosa paz e outras anguria; ás veces felicidade e outras rabia.
Na butaca remata por ser un alegato poético a favor da vida vivida no presente.

Novas relacionadas

• Un sábado emotivo e nutricional con Fernando Blanco.
• Fundación e IES recuperaron a tradición histórica de Fernando Blanco de premiar os mellores expedientes.
• O Gaiteiro Bucólico levou aos nenos de Cee de viaxe polos instrumentos tradicionais.
• Anxo Pintos devolveu a música á Idade Media no Mes da Fundación.
• O Mes da Fundación achega a tradición aos máis pequenos.
• As científicas silenciadas abriron o programa do Mes da Fundación
• Outubro é o mes da Fundación Fernando Blanco.

Máis novas

• A literatura infantil tamén invade o Outono Cultural de Cee.

Gañadores dos Premios Fernando Blanco

• Os Relatos da Fundación: Renacer.
• Os Relatos da Fundación: Quero ser mariñeiro.
• Os Relatos da Fundación: O Corazón do Mar.
• Os Relatos da Fundación: O paseo de Xoana pola Costa da Morte.
• Os Relatos da Fundación: Explorando a Costa da Morte.
• Os Relatos da Fundación: A perdición galega.
• Os Debuxos da Fundación (II).
• Os Debuxos da Fundación.
• A Fundación Fernando Blanco de Cee entrega os premios do IV concurso de Debuxo e do V concurso de Relatos Cortos

Fonte

• Redacción de QPC (info@quepasanacosta.com).