O Grupo Municipal do BNG no Concello de Cee, van presentar no seguinte pleno unha moción relativa á colleita da mexilla na Ría de Cee e Corcubión. Un produto de primeira calidade e que pode revertir na complicada economía da bisbarra. Así o BNG quere que a colleita da mexilla non se faga como até o de agora polos barcos que veñen directamente dende as zonas onde posteriormente se sementa a mexilla nas bateas, senón que a colleita da mexilla se faga dende os propios mariscadores da nosa localidade ou confraría. Deste xeito, o BNG insta ao Concello de Cee, a tomar a iniciativa e xestionar coas administración implicadas os trámites oportunos para esixir que a colleita e venta da mexilla na nosa ría se faga dende os propios mariscadores da nosa localidade ou confraría, obtendo así beneficios medioambientais para a nosa ría e beneficios económicos para os mariscadores do noso entorno.

Novas relacionadas

• O BNG de Cee esixe o cumprimento da Lei da Memoria Histórica e piden a eliminación dun monolito.
• O Proxecto Berberecho, unha aposta pola diferenciación.
• A Agrupación de mariscadoras de Corcubión segue loitando por manterse viva.

Fonte

• Nota de prensa do BNG de Cee.