Tras case 10 anos de silencio, o poeta ceés, un dos membros daquel Batallón Literario da Costa da Morte, volveu sacar a pluma. E con éxito, semella, tras coñecer que o seu poemario Erosións, vén de gañar o X Certame Poético Victoriano Taibo, que entrega o Concello de Gondomar en colaboración co Instituto de Estudos Miñoráns.

O xurado, composto por Iria Misa, Gonzalo Navaza, Xulián Maure, Marta Dacosta e Xosé Iglesias, gañador da pasada edición, escolleron a obra pola súa “sinxeleza e intensidade lírica” dunha obra “intimista e apaixonada”, deste centenar de poelas “de amor e vida”.

Rafa Vilar debutara en 1993 con Liques da memoria, e o seu último poemario data de 2008, Migracións. Entre tanto, tivo tempo para escribir para cativos, como en Acuarelas, Patente de Corso ou Animalario estrafalario.

Rafa é licencia en filoloxía galego-portuguesa, e traballa no servizo de normalización lingüística da Confederación Intersindical Galega (CIG), ademais de ser un activista das teses máis nacionalistas da política actual galega.

A entrega do premio será o día 18 de novembro no Auditorio Lois Tobío de Gondomar.

Novas relacionadas

• As dúas Galicias de Europa únense coas voces do ceense Rafa Vilar e o ucraíno Ostap Slyvnsky:
• Serxio Iglesias e Rafa Vilar musicados por Xardín Desordenado.
• Un premio cheo de Arume para os versos piratas para nenos de Rafa Vilar.
• Miro Villar: Feros Corvos, 1 (Inverno de 1997). A revista do Batallón Literario da Costa da Morte.
• 21 anos de Arre Sentelha e do Batallón Literario da Costa da Morte.
• O Batallón Literario da Costa da Morte revive na rede.

Fonte

• Redacción de QPC (info@quepasanacosta.com).