Raquel Queizás levou o seu espectáculo "Romaría" á casa da Cultura de Cee dentro do programa do Mes da Fundación Continúan as citas co programa do Mes da Fundación Fernando Blanco. Onte foi o turno dos alumnos e alumnas de 5º e 6º de Primaria dos centros educativos de Cee xunto cos usuarios e usuarias de Aspadex. A encargada de amenizar a divertida mañá foi Raquel Queizás co seu espectáculo "Romaría" no que a conta lendas tradicionais que achegan a tradición aos rapaces descubríndolle así un modo de vida completamente descoñecido para eles. Alumnado de 5º e 6º de primaria de Cee e usuarios de Aspadex asistiron onte ao espectáculo de Raquel Queizás Queliña - unha nena de aldea - ten que rematar de apañar as patacas para que a deixen ir á romaría. Alí quedou cos amigos para brincar, bailar e facer carreiras de sacos. Cara á tardiña, antes de que remate a festa, todos os rapaces buscan a avoa Tareixa para que lles conte lendas, lendas para perder o medo. Á velliña xa lle falla a memoria e é moi despistada, pero as historias que escoitou de nena, esas, non as esquece: lendas de mouras encantadas en fontes, historias de sacos que cantan e lendas que seguen mantendo os nenos atentos, abraiados, coa boca aberta, escoitando cómplices.  

Máis citas

O programa continúa o sábado 14 de outubro, ás 20:30 horas, na Casa da Cultura de Cee. Anxo Pintos impartirá o concerto comentado “A zanfona. A aventura milenaria da monocleta sonora”.

Novas relacionadas

• As científicas silenciadas abriron o programa do Mes da Fundación
• Outubro é o mes da Fundación Fernando Blanco.

Máis novas

• O XIX Simposio Pondaliano encherá de cultura os martes de outubro a aldea do Couto.
• Bazarra segue aportando combustible cultural á Fundación Fernando Blanco

Gañadores dos Premios Fernando Blanco

• Os Relatos da Fundación: Renacer.
• Os Relatos da Fundación: Quero ser mariñeiro.
• Os Relatos da Fundación: O Corazón do Mar.
• Os Relatos da Fundación: O paseo de Xoana pola Costa da Morte.
• Os Relatos da Fundación: Explorando a Costa da Morte.
• Os Relatos da Fundación: A perdición galega.
• Os Debuxos da Fundación (II).
• Os Debuxos da Fundación.
• A Fundación Fernando Blanco de Cee entrega os premios do IV concurso de Debuxo e do V concurso de Relatos Cortos

Fonte

• Redacción de QPC ([email protected]).