Alegres estivemos o ano pasado coa creación dese fantástico Rebumbio, para dinamizar a escena musical na Costa da Morte. Unha entidade que organizase concertos e actividades musiqueiras era ben recibida, pero menos dun ano despois da súa creación, temos xa que darlle o adeus.

A entidade decidía autodisolverse por mor das incompatibilidades persoais de boa parte da directiva. Un clásico problema que botou abaixo ducias de asociacións nos últimos tempos.

Pero a entidade morríu con elegancia, doando os seus fondos a unha entidade veciña, a Asociación Pedras Miúdas de Lires.

”Mostras como a recibida, fannos crer que o traballo de dinamización cultural que desempeñamos dende fai seis anos e tido en boa conta, non só polos veciñ,@s máis cercanos, se non por aqueles que en calquer momento da súa vida emprenderon labouras parecidas, o que inevitablemente nos enche de orgullo”, valoran dende Lires.

Por iso, “dende a familia de Pedras Miúdas, diretiv@s e soci@s, non podemos mais que mostrar a maior das gratitudes cara quen pensou en nos como merecedores do acto, non habitual neste tipo de ocasións”.
E dan as gracias persoalemente a Alan Louzán, un dos membros da directiva finada, así como a resto de membros da directiva, e aseguran que ”eses cartiños irán ben invertidos culturalmente nas nosas mans”.

Novas relacionadas

• As Pedras Miúdas de Lires tamén reciben combustible para seguir recuperando a cultura tradicional.
• A Danza de Arcos sobrevive en Lires.
• Corcubión bailou a ritmo do Rebumbio.
• O Rebumbio da Costa estreou en Camariñas a súa aposta pola música en vivo.
• O Rebumbio da Costa comezará a faserse oír con concertos en Camariñas e Corcubión.
• Un Rebumbio para dinamizar a música na Costa da Morte.

Fonte

• Redacción de QPC (info@quepasanacosta.gal).