Luns. 25.10.2021
El tiempo

"Si é posible intervir no mercado da enerxía"

Concentra CIG cee
Concentración en Cee
"Si é posible intervir no mercado da enerxía"

”Non á estada da luz” foi o lema da serie de concentracións por todo o país que a CIG organizou este domingo 19 de setempo. En Cee e Carballo un alto número de persoas secundaron a protesta ante a eterna e incomprensible subida da luz.

Unhas manifestacións que leva promovendo o sindicato dende hai anos, non só neste momento, como o reflicte a ILP que teñen levado ao Parlamento Galego. Unhas manifestacións que berran que si é posible intervir o mercado salvaxe da enerxía.

Cpncentra CIG CarballoConcentra Tarifa Carballo
Concentración en Carballo- Foto: Rebelión Aluminio

Propoñen 8 medidas que garantan o acceso á electricidade con prezos xustos, como un ben de primeira necesidade:

  • Recoñecer a enerxía como dereito fundamental.
  • Revertir ao público as centrais hidroeléctricas que rematen as concesións.
  • Creación dunha Empresa Pública Galega de Electricidade que xestione esas centrais.
  • Fiscalizar as concesións en vigot-
  • Modificar o sistema tarifario, limpando de peaxes que non teñan que ver co funcionamento do sistema.
  • Retirar as centrais hidráulicas e nucleares do pool do mercado maiorista para fixar o prezo da electricidade.
  • Modificar os impostos, aplicando o tipo mínimo do IVE (4%).
  • Implantar a Tarifa Eléctrica Galega, empesando por unha baixada do 30% nas peaxes por sermos produtores excendetarios de enerxía.

”Enerxía Solución” foi algún dos cánticos.

comentarios