A entidade Ríos con Vida, volveu a denunciar á Fiscalía a desecación dos ríos galegos por compañías eléctricas e piscifactorías. E dous dos 4 ríos denunciados son da nosa bisbarra, o río Xallas por parte da Ferroatlántica (seco dende 1992) e o o río Castro pola piscifactoría TresMares (seco dende 1969), que segundo sinala a entidade continúan na mesma situación que o pasado decembro, cando se produxeron as primeiras denuncias. A desecación do río Miño entre as presas de Belesar e Os Peares por parte de Gas Natural-Unión Fenosa e a do río Eume por Endesa protagonizan as outras denuncias.

Nova reforma legal

Esta desecación non variou un chisco desde que entrou en vigor a reforma do Código Penal o 23 de decembro de 2010, cuxa importancia reside na responsabilidade penal das persoas xurídicas e a posibilidade da súa disolución. A reforma prevé que respondan non só as persoas que directamente xestionen as instalacións, senón a empresa e os seus administradores.

Medidas cautelares ante o "secuestro dos ríos"

Así define o presidente de AEMS-Ríos, Mark Adkinson, a situación de moitos ríos galegos dende fai decenios. Nese sentido, Ríos con Vida solicita que "se apliquen de inmediato as medidas cautelares que eviten maiores prexuízos aos ríos e que os presuntos responsables indemnicen polos danos ambientais causados, incluídos os beneficios por derivar máis auga da permitida, e que se aplique a disolución da empresa, clausúraa dos seus locais e establecementos e a prohibición de realizar estas actividades mercantís no futuro".

Novas relacionadas

• Entrevista a Carlos Oleite: “Ferroatlántica cumpriu en todo momento cos términos da concesión”.
• Unha ollada ao estado de saúde dos ríos da Costa da Morte.
• A Xunta abre o expediente de retirada da licencia que permite manter pechada a fervenza do Ézaro.
• 21-10-10: Denuncian a Ferroatlántica por desecar o río Xallas.
• Denuncian á piscifactoría de Lires por secar o río Castro.
• Camariñas analizou con expertos o estado de saúde do río Castro e do río Grande.
• Mark Adkinson, presidente de AEMS-Ríos: De quen son os ríos?.

Máis novas

• Unhas 100 persoas participaron no roteiro ecolóxico e reivindicativo polo río Xallas organizado pola Plataforma na Defensa do río Xallas.
• O cangrexo vermello invade o encoro da Fervenza.
• Ferroatlántica mellora a súa eficiencia enerxética cunha nova certificación.
• Ferroatlántica, única culpable da desfeita ecolóxica da Fervenza para a Fiscalía.
• Denuncia cunha foto: A morte da fervenza.
• O Xallas corre de novo perigo de sufrir máis centrais hidroeléctricas.

Fonte

• Redacción de QPC (info@quepasanacosta.gal).
• Nota de prensa de Ríos con Vida.