Talía Teatro presenta en Cee "Foucellas", a súa nova obra
07:10 12/03/16
Que mellor sitio que a casa para presentar unha das últimas produccións. Os compañeiros de Talía Teatro presentan este domingo ás 20 horas na casa da Cultura de Cee a súa última producción: "Foucellas".
Un texto escrito e dirixido por Cándido Pazó e que interpretan Toño Casais, Dani Trillo, María Ordóñez e Artur Trillo.
Sinopse
Ano 1952. Un maquis, un guerrilleiro, un resistente. Un dos últimos homes do monte. Dos que a xente podía chamar, xenericamente, un ‘foucellas’. Mesmo podería ser o Foucellas. Ou non. Ou si. Quen sabe!
Firmeza, teimosía, dúbida, certeza, lealdade, inercia, utopía, inxenuidade, rebeldía, resignación, adaptabilidade, determinación... as armas dunha crúa batalla dialéctica nun tempo terminal.
Ficción, mito e realidade nunha proposta para pensar un momento histórico... o pulso metafórico sobre un transo co que, privada ou colectivamente, ás veces nos enfrontamos: a xestión da esperanza, a administración da derrota.
Novas relacionadas
- Unha viaxe ao interior dunha tableta co novo espectáculo de Talía Teatro
- Cheira a Teatro de Outono en Carballo.
- Entrevista de traballo con Talía Teatro.
Fonte
- Redacción de QPC ([email protected]).
- Talía Teatro