Martes. 29.11.2022
El tiempo

Un grupo de alumnos do IES Fernando Blanco na Final do Young Business Talents

Un grupo de alumnos do IES Fernando Blanco na Final do Young Business Talents

Boas novas chegan que dan conta o gran talento que hai nos centros educativos da bisbarra. Os alumnos e alumnas dos ciclos formativos de Administración do IES Fernando Blanco da localidade de Cee, participarán durante os días 24 e 25 de marzo na final do xogo de simulación empresarial Young Business Talents que terá lugar en Madrid.

Na presente edición chegaron a cuartos de final 346 equipos de toda España entre os que se encontraron os 3 equipos cos que compite o IES Fernando Blanco. Para a semifinal clasificáronse 75 equipos, entre os que se encontra 1 do instituto Fernando Blanco, isto é un gran éxito se se ten en conta que tan só en Galicia empezaron máis de 200 equipos.

Unha empresa leiteira

A simulación consiste na xestión dunha empresa produtora de leite e iogur, as decisións que debe tomar o alumnado para realizar a devandita xestión abranguen desde a fixación de prezos, a contratación de persoal comercial ou a elección de soportes publicitarios ata a selección de diversas políticas de promoción de vendas como poden ser a fixación de descontos ou o establecemento de políticas de 3 x 2.

Cada equipo está composto por un grupo de alumnos e alumnas que teñen total liberdade para xestionar a empresa coa estratexia que decidan sen que exista unha solución correcta, senón diversos estilos de dirección que poden levar á vitoria.

Encantados de participar

As impresións do alumnado que realizou a simulación foron moi positivas e valoraron a experiencia como moi proveitosa. Por iso e polo compromiso do IES Fernando Blanco de adoptar instrumentos de formación acordes cos tempos actuais, os alumnos e alumnas do IES Fernando Blanco dos ciclos formativos de administración participarán en futuras edicións da simulación.

Novas relacionadas

Fonte

  • Nota de prensa do equipo directivo do IES Fernando Blanco.

comentarios