Fermosa a sesión de trompo que tivo lugar no Colexio de Quenxe en Corcubión. O centro, gracias ao impulso do novo mestre Guillerme Ignacio Costa, secundou a convocatoria da Rede Galega do Xogo Tradicional Brinquedia e sacou, polo San Martiño, o peón ao Camiño. A proposta para recuperar este xogo foi máis alá dunha soa xuntanza. Os pequenos levan 15 días, dende o magosto, levando o peón á escola, e provocando unha auténtica revolución do trompo na vila. Ao longo destas semanas, paseando pola vila podes atopar a un pai pelexando cun grupo de cativos para ver que a baila mellor. Onte, os 60 alumnos do centro e máis unha trintena de Pais encheron a pista do centro e disfrutaron sacando polo San Martiño o Peón ao camiño.

Coidamos do patrimonio lúdico tradicional?

Preguntabámonos estas semanas se coidamos na Costa do patrimonio lúdico galego?. A verdade é que son poucos os centros da bisbarra que secundan estas convocatorias que fan entidades sociais do país tentando manter vivos estes xogos. Un traballo que permite que os nosos pequenos saquen por uns días a cabeza da pantalla e xoguen a eses xogos aos que xogamos todos algún día.

Novo museo do xogo en Ponteceso

Hai algunha proposta positiva na Costa. Se en Corme están a traballar par abrir o Museo do Xoguete da man da Fundación Torre Pujales, o Concello de Ponteceso está a preparar o que será en breve o Museo do Xogo. Gracias ás donacións dun veciño da zona, Ponteceso será unha referencia na recuperación do xogo popular. Deste xeito, todas as escolas da bisbarra xa terán unha visita obrigatoria cada ano.

Máis información e inscrición

• Asociación Galega do Xogo Popular e Tradicional (AGXPT) .
• Rede Galega do Xogo Tradicional "Brinquedia" (www.xogospopulares.com).

Nova relacionadas

• Polo San Martiño tamén salta o Peón ao Camiño na Costa da Morte.
• Coidamos na Costa do patrimonio lúdico galego?.
• Máis Petanca ca Cherinkas.
• En marcha o novo museo do Xoguete da Fundación Torre Pujales.
• Melide acolleu con éxito a I Carreira de aros e o II Campionato de tirapedras da Galiza Central.
• Zas celebrou o magosto bailando a buxaina.
• San Martiño 2008: Polo San Martiño, volve o peón ao camiño.
• San Martiño 2007: Polo San Martiño, peón ao Camiño.

Fonte

• Redacción de QPC ( info@quepasanacosta.gal).