As cocochas de bacallau e berberechos do corcubionés Rafa Fuentes foron as vencedoras do concurso Cómete o mar
19:46 09/12/10
O corcubionés Rafael Fuentes Arán, do Hotel Restaurante As Hortensias, foi o vencedor do concurso de tapas que pechou onte as xornadas gastronómicas `Cómete o Mar´ e que se desenvolveu no Club de Xubilados de Noia. O cociñeiro preparou unha innovadora receita de cocochas de bacallau e berberechos con pilpil de ourizos e crocante de algas.
Os outros catro finalistas foron Antonio Mirón Agra, do hotel restaurante Tío Manolo, de Noia, que preparou unha espetada de polbo con lagostinos; Dolores del Carmen Mariño Mariño, de A Cociña das Monadas, de Porto do Son, cunha tosta de polbo con crema de queixo de San Simón da Costa; Noelia Rodríguez García, de Casa Peto, de Outes, cun cachelo en cestiña con polbo con allo, e Raúl Góñez Silva, do hotel restaurante Praia de Quenxe, de Corcubión, que presentou un prato de millo e cigala.
Compre sinalar a satisfacción no seo do GAC 4 co desenvolvemento das Xornadas. Unhas xornadas que mesturaron gastronomía costeira e patrimonio, e que serven para seguir concienciando á veciñanza de que os produtos da terra son os que se deben consumir e pedir.
Novas relacionadas
- A Costa sabe degustar o seu mar.
- As xornadas ‘Cómete o Mar’ contrarrestan a meteoroloxía coa “mellor despensa que ten Galicia”.
- A Costa da Morte cómese o mar nesta ponte da Inmaculada.
- Un cento de establecementos participarán nas xornadas Cómete o mar.
- Animando aos gandeiros da Costa a abrir novas explotacións de porco celta.
- Os Hostaleiros aprenden a Comerse o Mar.
- Italia saborea os tesouros do mar de Lira.
- Unha visita turística á Lonxa de Fisterra .
Fonte
- Nota de prensa do GAC-4