Manuel Sendón e Javier Turnes presentando MilRios en Corcubion-Foto-Senén Insua Máis que interesante a presentación do proxecto Milríos onte na Capela do Pilar de Corcubión. Foi o seu creador, Manuel Sendón, reputado fotógrafo galego moi vencellado á Costa da Morte, pois pasa longas tempadas en Sardiñeiro, o presentador. Xunto a el sentouse o seu bo amigo Javier Turnes, o mestre de filosofía máis bluseiro da bisbarra, nun acto organizado pola Universidade Cromática das Virtudes. A experiencia consiste en percorre, en canoa, o país dos mil ríos. Así, Sendón e compañía levan anos percorrendo e fotografando ríos dende a súa canoa, para dar conta da nosa natureza. Unha das historias máis fermosas do proxecto aconteceu precisamente na bisbarra, e foi protagonista na charla de onte. A exposición ten un artista inesperado, pois precisamente na ría de Corcubión, onde Sendón perdeu o teléfono. Resulta que alguén o recolleu, veu de que se trataba a idea e seguíu percorrendo ríos costeiros e botando fotos. O teléfono, conectado a un servidor do fotógrafo, seguía entón enviando fotos de ríos galegos ante a estupefacción de Sendón. Pura maxia que aínda se mantén viva. Boten un ollo ao Caderno de bitácora dunha das expedicións polo Río Xallas, é unha boa experiencia.

Máis información

• milrios.wordpress.com.

Novas relacionadas

• Un artista inesperado.
• Mil ríos que desembocan na fin da terra.
• As Crebas do Rostro chegan ao Museo.
• A Costa da Morte, todo un proxecto no Museo de Mar de Galicia.
• O Pano de Fondo de Ramón Caamaño.

Fonte

• Redacción de QPC ([email protected]).