Xa o puidemos escoitar no marco do Festival Artenauta. E por sorte, aquela semente botada na emisora municipal de Corcubión agroma e se convirte nun novo programa das radios irmandadas da Costa da Morte, radiONeria e Radio Roncudo.

Falamos do mestre Miguel Vázquez Freire, que afianza a súa proposta das píldoras filosóficas no programa “O moucho voa” cada semana dende este mércores 7 de outubro, ás 20:30h.

“O moucho voa” será un programa de 10-15 minutos, e contará con voces singulares da comarca, que lle axudarán a poñer en escea situacións nas que a filosofía nos axuda a repensar. Ademais, terá na parte técnica, o apoio de Óscar Rey Calo e Iván Pereira, dous dos colaboradores que manteñen viva a emisora municipal de Corcubión.

Como escoitar as radios da Costa

Podedes escoitar a radio a través das emisoras radiONeria (107,8FM nas terras de Fisterra), e Radio Roncudo (106.1FM nas terras de Bergantiños), ou pola rede na plataforma Tunein e nas webs de ambas emisoras:

• radioneria.blogspot.com.es.
• radioroncudo.wordpress.com.
• Ivoox: Podcasts dos programas de Radio Roncudo.
• Ivoox: Podcast dos programas de radiONeria

Ademais, tamén tendes os podcast ao Ivoox de Radio Roncudo), e podedes estar atentos ás redes sociais de ambas emisoras (Facebook da radiONeria e Facebook de Radio Roncudo.

Novas relacionadas

• O Festival Artenauta comeza nas ondas da radiONeria.
• O cole de Dumbría sumérxese na radiONeria.
• A radio toma as escolas.