Este pasado sábado, día 25 de febreiro, tivo lugar o acto de Constitución do novo Consello Nacional do BNG, máximo órgano entre asembleas do partido nacionalista, saído da XIII Asemblea Nacional celebrada a finais de xaneiro do presente ano. A cita, que tivo lugar en Teo, serviu para que tomaran posesión as 108 persoas, tanto as que saíron electas na referida Asemblea Nacional como as que foron elixidas nas respectivas comarcas de Galicia.

Nese senso, a Costa da Morte conta con dous membros máis dentro do Consello Nacional do BNG: o portavoz municipal do BNG en Corcubión, Óscar Ínsua, e o Responsable Comarcal do BNG na Costa da Morte, Modesto Fraga.

Isto é así polo feito de que á Costa da Morte, por número de militantes, correspóndenlle dous membros no CN. En consecuencia, estará representada polo Responsable Comarcal, Modesto Fraga, e o candidato da outra lista que concorreu á Asemblea Comarcal o pasado día 11 de febreiro, Óscar Ínsua.

Novas relacionadas

• Un Plan que non revive á Costa da Morte.
• Dani Oca: “Isto non é Corea do Norte”.
• Modesto Fraga, novo voceiro comarcal mentres o BNG nacional se divide.

Fonte

• Nota de prensa do BNG comarcal.