Este sábado 31 de xuño, ás 10:00h, a radiONeria graba un novo podcast no Centro Recreativo Cultural Casino de Corcubión. A emisora municipal da vila de San Marcos, coordinada por Toño Casais, prepara un programa especial e aberto ao público que leva por título "Turismo sostible e riqueza na Comarca”, no marco do proxecto OndaODS en colaboración coa Rede de Emisoras Municipais Galegas.

A cita contará coa participación cidadá, tendo como convidados ao Vicepresidente da Deputación da Coruña, Xosé Regueira; ao alcalde de Corcubión, Xabier Domínguez; ao presidente de APTCM Pepe Formoso, e no que contarán cun coloquio sobre turismo sostible coa Xerente do Galp Costa Sostible, Manuela Oviedo; con Xoán Creus, arquitecto e profesor da ESAT da Coruña e con Iria Caamaño, profesora de socioloxía e comunicación na UDC.

Máis novas