Sempre Corcubión volve pedir a creación dunha residencia de maiores pública e comarcal

O edificio do Asilo leva anos acondicionado para que a Xunta abra o Centro de Día
Redacción
12 de novembro de 2021 (10:37 h.)

Segue enriba da mesa a loita veciñal sobre o Centro de Día ou a Residencia de Maiores en Corcubión. Van anos dende que a vila reclama unha infraestrutura necesaria ante o envellecemento da poboación (lembran que máis do 30% da poboación das comarcas de Fisterra e Soneira superan os 60 anos), a pesar do esquecemento da Xunta, a única con responsabilidade na materia.

Desde Sempre Corcubión volven traer o asunto á palestra, presentando unha moción sobre a necesidade de crear unha residencia de maiores pública e comarcal.

Recordan os servizos relacionados coa terceira idade que hai na comarca:

  • Fogar Residencial Nosa Señora do Carme de Fisterra. Xestión Privada. Dotada con 15 prazas.
  • Residencia Domusvi Vimianzo. Xestión Privada. Dotada de 150 prazas.
  • Vivenda Comunitaria do Concello de Vimianzo. Xestión Pública. Dotada de 12 prazas.
  • ASPADEX de Cee. Asociación sin ánimo de lucro declarada de Utilidade Pública. Dotada de 5 prazas en Vivenda tutelada e 15 prazas en Residencia de Adultos.

As 197 prazas existentes representa tan só o 7% da poboación maior de 80 anos da zona de cobertura dos servizos; dos cales, o 84% das prazas están xestionadas por empresas privadas como Domusvi que se fixeron coñecidas en todo o territorio galego polos contaxios ocorridos tras a Covid-19. Polo que, “á evidente falta de prazas, súmaselle o feito de que os servizos da terceira idade non están ao alcance de todas as persoas nin garanten unhas condicións dignas de atención”.

Histórico da loita polo Centro de Día

Etiquetas
maiores centro de día asilo