Outro dos perfectos exemplos do esquecemento da Xunta para coa Costa da Morte é o Centro de Día de Corcubión. A proposta de rehabilitar o Antigo Asilo Emilio Alonso como Centro de Día nacía en 2009, da man do BNG, pero co grupo de goberno socialista, dacordo na necesidade de desenvolvelo. Pouco tempo despois a Deputación facía un investimento de 60.000 que completaba en 2011 con outro de 200.000, deixando o edificio practicamente listo para acoller unha infraestrutura social que debería asumi a Xunta.

Pero dende aquela, a pesar das continuas queixas do BNG (a penúltima este mes de setembro), ou das mobilizacións sociais, a Xunta non fixo un só movemento para facer realidade as 20-25 prazas que podería ofrecer este Centro de Día.

Esta semana, o propio BNG vén de rexistrar unha nova proposición non de lei no parlamento galego para que as instalacións se inclúan dentro da rede de centros de día do Consorcio Galego de Igualdade e Benestar. “Xa pouco queda por dicir sobre unha problemática que se fai eterna no noso concello e na comarca. Moitas familias vense impedidas para conciliar a súa vida familiar e laboral cos coidados das persoas dependentes, e xa van seis anos, dende que remataron as obras de acondicionamento do antigo asilo para instalar o desexado centro de día”.

Dende o BNG lamentan que “o grupo municipal do PSOE levan cos brazos cruzados demasiado tempo, esperando a que lles caia do ceo unha solución a esta demanda social e veciñal, e o Partido Popular non incluíu ningunha partida para este proxecto no borrador de orzamentos do ano 2021, a pesar das promesas realizadas polo Presidente da Xunta, que no mes de maio, antes das eleccións, veu a pasear e a sacarse a foto para a posteridade. Uns e outros prometen e prometen, mais xa se olvidaron tan pronto como pasaron as eleccións”.

Novas relacionadas

• Setembro 2020: O BNG volverá levar ao Parlamento o esquecido Centro de Día de Corcubión
• Febreiro 2020: “Na Road Trip Protesta a Rianxo aprendimos que un Centro de Día é posible, e significa dignificar aos maiores”.
• Outubro 19: Boca de Sapo presenta 1.000 sinaturas para esixir a apertura do Centro de Día de Corcubión.
• Setembro 19: AFAFES adaptará a antiga Gardería de Cee como Centro de Día.
• Agosto 19: Camariñas confirma o apoio da Deputación e espera o da Xunta para o Centro de Día.
• Xullo 19: Un berro silencioso, e medieval, pola apertura do Centro de Día de Corcubión.
• Maio 2019: Corcubión enteiro sae á rúa polo Centro de Día.
• Maio 19: A cidadanía de Corcubión mobilízase polo Centro de DíaA cidadanía de Corcubión mobilízase polo Centro de Día.
• Camariñas, Corcubión e Ponteceso valoran o si da Xunta ao Centro de Día de Malpica.
• Outubro 2018: A Xunta volve negarse a poñer en marcha o Centro de Día de Corcubión.
• Outubro 2018: “Os técnicos de Servizos Sociais da comarca de Fisterra trasladaron á Deputación a necesidade de abrir o Centro de Día de Corcubión” 
• Setembro 2017: O BNG critica a postura da Xunta co centro de día de Corcubión.
• Setembro 2017: A Xunta rexeita a abrir o Centro de Día de Corcubión
• Novembro 2015: O BNG de Corcubión pregunta polo esquecido Centro de Día.
• Maio 2014: O Centro de Día de Corcubión ve a luz.
• Xaneiro 2013: O BNG de Corcubión denuncia un novo retraso nas obras do Centro de Día
• 09-03-11: O BNG de Corcubión pide á Deputación financiamento para rematar o Centro de Día.