Unha Boca de Sapo para que Corcubión se declare “Libre de Eucaliptos”
Directiva da Asociación Boca de Sapo no lugar que dá nome á entidade
A recente vaga de lumes non deixou consecuencias graves nos nosos montes. Desta volta. Pero si que deixou unha forte reflexión entre a veciñanza da Costa da Morte, consciente de que para a seguinte, seguro que nos toca.
Por Corcubión veñen de formar a Asociación Boca de Sapo (Comunidade Eco-Social e Cultural), que comeza a súa andaina presentando unha moción ao abeiro do "Regulamento de Participación Cidadá”, aprobada en 2015.
A moción pide declarar Corcubión "Concello libre de Eucaliptos”.
Esta moción, que se debaterá neste pleno de novembro, “non é mais que un primeiro paso para tratar de concienciar a poboación dos perigos da proliferación de eucaliptos, planificados, incontrolados ou ventureiros que supoñen un golpe mortal á biodiversidade”.
Así, están facendo unha rolda de contactos cos distintos grupos municipais e así “poder facer accións conxuntas para recuperación de terreos públicos e diferentes actividades destinadas a tratar de paliar, na medida das nosas posibilidades, esta situación”.
Os propósitos de Boca de Sapo
A Asociación Boca de Sapo (o nome sae dunha zona costeira preto ao Cabo, onde hai unha pequena fonte embaixo do que case foi o camping) “ten vocación aberta e de creación de comunidade. Formouse para tratar calquer tema que se poida presentar na defensa do noso territorio, do noso patrimonio material e inmaterial e/ou calquer manifestación cultural e social que poida xurdir nestes tempos convulsos”.
A directiva está formada por:
- Presidente: Francisco Santiago López (coñecido cazador de imaxes da fauna costeira).
- Vicepresidente: Álex López (Colaborador nas #FirmasQPC).
- Secretario: Serxio Iglesias (Colaborador nas #FirmasQPC).
- Tesoureiro: Juan M. Becerra.
- Vogal: José C. Romero.
- Vogal: Belén Lorenzo.
Artigos sobre os incendios
- Onde está a orixe da vaga de incendios?.
- Desprofesionalizando o Servizo contra incendios dende o primeiro eslabón da extinción.
- A Deputación da Coruña implantará a Xestión Directa dos Parques de Bombeiros.
Novas relacionadas
- 2015: Corcubión xa se rixe por un Regulamento de Participación Cidadá.
- Agora/Ágora, unha proposta anónima de participación cidadá dende a Costa para o mundo electoral.
Novas sobre os incendios
- A Garda Civil pide colaboración na identificación de culpables polos lumes.
- Outubro 17: Detido un reincidente por causar un incendio cos seus fogos artificiais tralas Festas dos Remedios de Corme.
- Setembro 2017: Detido un veciño de Coristanco como presunto autor de dous incendios forestais.
- Agosto 2017: Investigan o dono dunha pirotecnia por un incendio forestal
- Agosto 2017: A Garda Civil detén a dous mozos por un delito continuado de incendios forestais.
- Agosto 2017: Deteñen un home de Sardiñeiro que levaba provocando incendios desde agosto de 2016.
Vídeos naturais de Francisco Santiago López
- Francisco Santiago López lanza unha serie de vídeos sobre o lobo no seu canle Signatus Films.
- De viaxe polos humidais costeiros con Francisco Santiago López.
- Francisco Santiago López denuncia con vídeos desfeita dos sistemas naturais costeiros.
- O Félix Rodríguez de la Fuente costeiro retrata a paisaxe do sistema do Xallas.
- Signatus Films caza o derradeiro lobo ibérico na Costa da Morte.
- Breve etoloxía do lobo ibérico por Francisco Santiago López na Costa da Morte.
- A ollada de Francisco Santiago López á fauna salvaxe da Costa da Morte: O xabarín.
- Os Vídeos naturais de Francisco Santiago López
