O verán chega con forza a Santa Comba en canto á oferta de ocio se refire. O concelo xalleiro vén de publicar un completo programa para os meses de xuño, xullo, agosto e setembro dirixido a todos os públicos. A programación arranca este sábado, día 23, cun torneo de fútbol 8 no que participarán xogadores e xogadoras de distintos puntos. Xa o 29, continúa a programación coa actuación do mago Martín Camiña - ilusionista "Encantos de rúa" que actuará ás 19:00 horas no campo da feira. Ese mesmo día, reabrirase a piscina municipal. Xullo virá cargado de actividades. A casa da cultura acollerá durante todo o mes a exposición de fotografía "Enfocando Santa Comba", haberá un campamento urbano en inglés entre os días 2 e 13 dirixido a nenos e nenas nados entre o 2006 e o 2012. Xa o sábado 23 de xullo, o campo da feira será o escenario dun encontro multicultural no que haberá música, obradoiros e outras moitas actuacións nas que se representarán distintos países. Os deportes tamén serán protagonistas cun torneo de pádel senior e outro infantil (28 e 29 de xullo) e cunha xornada de aventura na natureza que se desenvolverá en Naturmaz. En xulllo comeza tamén un curso de monitor de tempo libre. Xa en agosto será tempo dos campamentos. Durante a primeira quincena do mes, os nenos e nenas nados entre o   o 2012 poderán participar nun campamento multideportivo. E na última semana haberá un campamento urbano educativo-tecnolóxico. Os estudantes de primaria terán tempo de repasar materias como o inglés, as matemáticas,... con "O sabedoiro do verán" que se desenvolverá os martes e os xoves entre as 10:00 e as 13:00 horas. O 8 de agosto, o concello organiza unha excursión ao Aquapark de Cerceda e o vénres, 10 de agosto, a biblioteca municipal aoclle un espectáculo de moniquecres "Xan perillán e a maleta máxica". E xa o 26 de agosto, celebrarase o XXII día da bici. As actividades continúan en setembro co torneo de tenis "Os milagros", que se celebrará na primeira quincena do mes; un campamento xuvenil "Acción de Verán" (do 2 ao 9) e coa gala do deporte. Comercio  O comercio e a hostelería tamén aproveitarán o verán para facer unha potente campaña de promoción. Serán varios establecementos os que participen na campaña na que se realizarán distintos sorteos entre todos os clientes da vila.   Novas relacionadas

• O A.C. Baloncesto Costa da Morte ofrece novos cursos para este verán
• Dumbría abre o prazo para anotarse no programa de actividades do verán
• Carnota prepárase para un verán cargado de actividades

Fonte

• Redacción QPC ([email protected])
• Concello de Santa Comba