Comezan as obras para poñer a funcionar a depuradora de Portoquintáns, entregada hai 3 anos ao Concello de Coristanco
A estación depuradora de augas residuais de Portoquintáns foi construída e posta en funcionamento no marco do contrato de colectores xerais da depuradora de Vilaverde, sendo entregada o municipio coruñés no primeiro trimestre do ano 2017. Pero nunca se puxo en marcha.
A situación de abandono (non é a única depuradora esquecida) obriga á Xunta a realizar unhas obras de mellora para a súa posta en marcha. Estes traballos, adxudicados por un importe de máis de 43.000 euros, contan cun prazo de execución de 5 meses.
A instalación de Portaquintáns foi deseñada para sanear e depurar as augas xeradas por unha poboación equivalente a 600 habitantes, pero na actualidade o bombeo de cabeceira de depuradora non funciona, deixando a totalidade da instalación parada. Os traballos que se están a executar inclúen a instalación de dúas novas bombas, e a adaptación das instalacións eléctricas e autómata aos novos equipos. Posteriormente procederase a posta en marcha da estación depuradora.
