Un #8M de concentracións locais e telemáticas
Completo seguemento na Costa da Morte neste Día Internacional da Muller. Un día para deixar patente os problemas que seguen as nosas mulleres, como a falta de valoración dos traballos dos coidados, a sobreexplotación dos traballos nos fogares, a elevada temporalidade e a precariedade laboral que afecta especialmente ás traballadoras…
Coa folga convocada en todos os sectores, e mentres a bisbarra prepara as concentracións convocadas pola CIG, e a concentración convocada pola Organización Feminista Buserana, a bisbarra xa vivíu estes días numerosas accións: as Zoquiñas Vermellas de Buño ou a exposición histórica de Vimianzo entre as máis destacadas.
Concentracións da Buserana
Os colectivos feministas de todo o país decidiron si facer concentracións locais e evitar unha concentración nacional, porque as consideran "máis necesarias que nunca". ”Sen coidados non hai vida” volve ser o lema da concentración da Buserana, despois de que esta pandemia puxese no centro da diana o lema do ano pasado e a importancia dos coidados. A cita é hoxe luns 8 de marzo ás 20:00h na Praza 8 de Marzo de Cee.
Folga e Concentracións da CIG
A CIG,convoca dúas mobilización de mulleres en Carballo e Cee con motivo da folga do 8 de Marzo:
- Carballo, ás 11:30 horas, marcha con saída dende o local sindical da CIG (rúa Río Sil) até a Praza do Concello, onde se fará concentración ás 12:00 horas.
- Cee, ás 12:00 horas, concentración na Praza 8 de Marzo.
Concentración telemática e lipdub en Carballo
O acto central do 8M en Carballo será a concentración telemática que celebraremos ás 20.00 horas a través da plataforma www.carballoenrede.com, xa utilizada o 25 de novembro. A partir das 20.00 horas todas as persoas que o desexen, dende calquera lugar do mundo, poderán conectarse dende o ordenador ou o teléfono móbil para amosar o seu compromiso coa igualdade. A concentración durará 15 minutos e rematara coa lectura do manifesto do 8M aprobado polo municipalismo galego a través da Fegamp.
Ademais, o Concello vén de presentar unsimbólico lipdub protagonizado por Maica Ures, Belén Lendoiro, Milagros Lantes, Maruxa Suárez, Mar Eirís, Paula Nogueira, Beatriz Neira, Mari Carmen Vila e María Torres interpretando un fragmento do tema “Que non mo neguen”, das Tanxugueiras.
Actos en Santa Comba
O concello de Santa Comba tamén artella unha serie de accións.
Artigos relacionados
Novas sobre o 8M
- #8M: As Zoquiñas Vermellas volveron saír á rúa en clave de artesanía e denuncia.
- Vimianzo vístese de #8M.
- #8M: Buserana si convoca unha concentración, “máis necesaria que nunca”, en Cee.
- As Curandeiras celebran o 8M cunha exposición histórica nas tendas de Vimianzo.
- As Curandeiras celebran o 8M cunha exposición histórica nas tendas de Vimianzo.
- A Galería Mulleres de Muxía cumple 11 anos lembrando a Elena Colmeiro.
- “Mulleres invisibles, mulleres desconfinadas”, o artigo de Paula Castro gañador do IV Premio de Xornalismo Manuel Lueiro Rey.
- Buserana pide vídeos para participar nunha acción virtual de cara ao #8M.
- A Costa comeza a mobilizarse polo #8M.
Crónicas do 8M de 2020
- Marzo 2020: #8M: O Feminismo baixou a pé de rúa en Carballo.
- Marzo 2020: #8M: Cee acolleu unha combativa e festexeira manifestación comarcal.
- Unha cadea humana de mulleres para encher a praia de Carnota de sororidade.
- #8M: As Curandeiras, e máis de 200 mulleres, batiron os tambores contra o patriarcado en Vimianzo.