Xoves. 28.03.2024
El tiempo

A Cooperativa Raínha Lupa crece ao ritmo da agricultura ecolóxica e volve coas abellas

A Cooperativa Raínha Lupa crece ao ritmo da agricultura ecolóxica e volve coas abellas

O auxe da Agricultura Ecolóxica en Galicia segue a ser unha constante realidade. De feito, o valor da produción da Agricultura Ecolóxica certificada en Galicia medrou por riba do catro mil por cento (un 4.229%) na última década. Xa son máis de 17,1 millóns os que factura este sector en auxe.
E nós na Costa temos un bo exemplo, como é a Cooperativa de Agricultura Ecolóxica Raínha Lupa de Quilmas, que non para de achegar á veciñanza da zonaprácticas sostibles como a apicultura.

Así, dende Quilmas nos invitan ás novas xornadas sobre "Apicultura e Fruticultura: prácticas compatibles" que van a ter lugar en Quilmas, na Agra da Cooperativa, o venres 27 de maio e, o venres, 3 de xuño. Colabora na organización o SLG.

Continuando co programa

Estas xornadas veñen como punto e seguido dos cursos realizados anos anteriores sobre froiticultura, e sobre todo coma remate o curso de "apicultura como práctica complementaria á horta" que se desenvolveu o pasado ano e no que profundizamos sobre o manexo das abellas, a súa estructura social, as flores que máis lles gustan e as épocas de floración, os produtos que elas elaboran nas colmeas, vivimos, na práctica, a obtención do mel, a importancia ecolóxica dos polinizadores, etc...

Este ano completarán e refrescarán os coñecementos adquiridos coa instalación de novas colmeas nunha zoa próxima aos verxeis de froiteiras autóctonas que están a medrar na Agra de Quilmas. Deste xeito farase un repaso sobre a polinización, os coidados das abellas, requisitos para a instalación dun colmear e fruticultura básica.

Os obxectivos destas xornadas e adquirir coñecementos para levar a cabo inicativas similares dun xeito sostible, e considerar a agricultura e o trabalho coma abelheir@s, labreg@s e fruticultoras/es, unha alternativa de vida e laboral mixta/estacional/ou a tempo completo, valorando a importancia que ten a nosa/súa función sobre a contorna e nos ecosistemas.

Inscrición

As xornadas son abertas e gratuitas só é preciso facer unha inscripción previa través do correio [email protected] ou o tlfno 697 364 124. Se estades interesad@s en participar estes dous días entre abellas e natureza baixo a ollada de O Pindo, pois ánimo e anotarvos!

Novas relacionadas

Fonte

  • Nota de prensa da Cooperativa de Agricultura Ecolóxica Raíña Lupa.

Comentarios