A Costa da Morte recibe uns 300000€ para a limpeza das praias

08:05 27/04/16

A Deputacion da Coruna destina 900000 euros para a limpeza das praias de toda a provincia Dentro do programa de Limpeza das Praias 2016, a Deputación da Coruña vén de adxudicar un total de 282407,89€ aos concellos da costa da Morte, dentro dun plan que se destina a toda a provincia dotado cun orzamento de 900000€. Afinalidade do mesmo é apoiar aos concellos no sostemento dos gastos de contratación do persoal que se encargará da limpeza dos areais da provincia durante a tempada estival. Ademais de contribuir á mellora da imaxe das máis de 360 praias coruñesas de cara á tempada estival, este programa axudará tamén á creación de emprego durante os meses de verán, xa que ao cargo deste programa e do de socorristas das praias fluviais e piscinas municipais contratáronse o pasado ano preto de 300 persoas. Tres meses A subvención para a creación destas brigadas de limpeza ten unha duración máxima de tres meses, polo que os contratos deberán estar comprendidos entre o 1 de maio e o 31 de outubro de 2016. A Deputación aplicou criterios obxectivos para a baremación das solicitudes, en función da superficie total das praias existentes en cada termo municipal, segundo os datos facilitados polo Ministerio de Medio Ambiente e Medio Rural e Marino, e da poboación oficial do concello, segundo os datos do Instituto Nacional de Estatística. A superficie das praias valorarouse cun máximo de 70 puntos -para aqueles concellos que teñan máis de 400.000 metros de superficie de praias -, mentres que a poboación do municipio supuxo ata 30 puntos na valoración. Os concellos da Costa da Morte incluídos neste plan son:

Cababa de Bergantiños: 14.367,36€
Camariñas: 26.537,05€
Carballo: 33.171,31€
Carnota: 31.181,04€
Cee: 23.219,92€
Corcubión: 6.768,00€
Dumbría: 20.748,12€
Fisterra: 19.204,04€
Laxe: 19.811,83€
Malpica: 19.651,49€
Muros: 26.537,05€
Muxía: 9.697,93€
Ponteceso: 31.512,75€

Contratación de socorristas Ademais, a Deputación destinará este verán 300000 euros para financiar a contratación de socorristas nas piscinas municipais e praias fluviais dos concellos do interior da provincia con menos de 50.000 habitantes. O importe máximo que poderá percibir cada concello neste programa será de 6500 € e o mínimo de 2500 € e o período máximo de contratación será tamén de tres meses. Os criterios de baremación deste programa serán a superficie total das piscinas municipais - ata 70 puntos - e a poboación do concello -ata 30 puntos-. As asignacións por municipios publicaranse próximamente no Boletín Oficial da Provincia. Novas relacionadas:

Fonte