Domingo. 31.05.2020
El tiempo

Un bus de Mulleres da Costa da Morte acodiu á manifestación en Verín previa ao 8M

Mulleres da Costa da Morte-Bergantinos en Verín
Mulleres da Costa da Morte-Bergantinos en Verín
Un bus de Mulleres da Costa da Morte acodiu á manifestación en Verín previa ao 8M

Toda a Galicia feminista tiña este domingo unha cita en Verín. A manifestación previa ao Día Internacional das Mulleres, convertiu a vila ourensá na "capital do feminismo galego”. E non quixeron faltar as mulleres dos 4 colectivos da Costa da Morte, que fletaron un bus que vertebrou a comarca recollendo bravas mulleres de Carnota, Cee, Vimianzo e a zona de Bergantiños. Non faltou tampouco unha completa expedición do BNG bergantiñán (aquí embaixo) e algún que outro grupo municipal.

Comitiva dfo BNG de Carballo en Verin

Co lema “sen cuidados non hai vida”, unhas 5.000 de mulleres, arredor da convocatoria #Galegas8M comezaron o #Camiñodo8M para continuar “mudando o sistema e derrubando o patriarcado”. Pois esta era a posta en escena do gran movemento que vai volver ser este 8 de marzo de 2020.

VISIBILIZAR O INVISIBLE

Mulleres da Costa da Morte en Veri
A pesar de que o servizo do hospital se restaurou despois de que o Goberno galego rectificase a súa decisión, as feministas galegas consideran que a localidade verinesa é a idónea para este acto reivindicativo que se centra nos coidados non remunerados e continuos que exercen as mulleres. A berro de: 'Nós parimos, nós decidimos', as mulleres e manifestantes deste domingo reivindicaron o dereito "a un parto sen violencia obstétrica, a un coidado pediátrico de urxencias, a unha sanidade pública de calidade" e, en definitiva, "a vivir no rural con dignidade".

Así pois, as súas reclamacións destacaron a "violencia institucional" que exerceu a Xunta do PPdeG ao tomar a decisión de pechar o paridoiro, pero tamén centraron as reivindicacións no rol dos coidados que asumen as mulleres. "Sen coidados non hai vida", repetiron unha e outra vez. Con este 1M queren "visibilizar o que permanece invisible", xa que "a maior parte" deste labor de coidados "non está remunerado" e, cando o está, "trátase dun traballo precario e infravalorado".

No seu manifesto relataron que "as persoas non son independentes", necesitan "coidados alleos durante toda a vida para satisfacer necesidades afectivas, alimentarias, físicas" ou para buscar o "benestar e a felicidade". Neste sentido, o "patriarcado e o sistema capitalista" asignou ás "mulleres as tarefas de coidado e xerou un mundo público masculino desvinculado dos tempos biolóxicos e ecolóxicos".

Por este motivo, apelan á "corresponsabilidade" para que os homes e os servizos públicos compartan ese labor de coidados e dean opción a que as mulleres a entrar na esfera pública. Ademais, a defensa do rural e da identidade de xénero tamén marcaron o discurso deste 1M.

Manifestacion multitudinaria en Verin

Accións na Costa

Os colectivos costeiros prepáranse xa para as accións conxuntas artelladas durante esta semana.

Actividades na Costa da Morte polo 8M

Novas do 8M

Novas relacionadas

Artigos de Sonlilá

Fonte

  • Redacción de QPC e do xornal colaborador Galicia Confidencial

comentarios