Este mes de de decembro o Camiño dos Faros cumpre 7 anos. Foi a finais de 2012 cando un grupo de 7 veciñ@s e dous cánidos comezaron a tecer un camiño, pola beira do mar, entre Malpica e Fisterra. Unha acción civil que se convertiu no meirande activo turístico que realizou a comarca nos últimos 10 anos.

Un Camiño dos Faros que vai recibir un dos cinco Premios Galicia de Turismo 2019, escollidos entre 160 candidaturas por un xurado composto por respresentantes do Clúster Turismo de Galicia, da Xunta de Galicia, a Universidade e das empresas patrocinadoras. O Sendeiro costeiro recibirá o galardón na categoría de Sustentabilidade (unha estatua chamada Ara Solis, feita por artesán José María Mayer Segade), nunha gala que se celebrará o vindeiro 3 de decembro no Teatro Rosalía de Castro da Coruña.

Cos trans@s subirán ao escenario a recoller o Ara Solis os outros proxectos premiados: o proxecto de restauración do Pórtico da Gloria da Catedral de Santiago de Compostela na categoría Patrimonio; a candidatura da Ribeira Sacra como Patrimonio Mundial da Unesco en 2021 na categoría de Promoción; a axencia especializada no Camiño de Santiago Pilgrim Travel na categoría Vangarda; o Resurrection Fest na categoría Evento.

O mellor premio, a Homologación como PR

En todo caso, o mellor premio para o Camiño dos Faros sería a homologación como Ruta de Gran Percorrido, como levan os trasn@s pelexando na marea “burrocrática” durante 5 anos, como ben esixían este verán os alcaldes da comarca.

Novas relacionadas

• Xullo 2019: Os alcaldes da bisbarra esixen a homologación do Camiño dos Faros como ruta de gran percorrido, tras 5 anos de trámites.
• Maio 2019: O Camiño dos Faros non ten límites.
• Marzo 2019: O Camiño dos Faros véndese en Francia.
• Decembro 17: A Deputación aproba o financiamento do proxecto de homologación do Camiño dos Faros como GR.
• Xaneiro 2017: A Xunta corrobora o seu compromiso para axudar a homologar o Camiño dos Faros como GR.
• Decembro 2016: O Camiño dos Faros cumpre 4 anos.
• Novembro 2016: O Camiño dos Faros, produto estrella na World Travel Market.
• Xuño 2016: Novo compromiso para homologar o Camiño dos Faros como Ruta de Gran Percorrido.
• Xaneiro 2016: Os pioneiros trans@s mapean o Camiño dos Faros coa tecnoloxía de Google.
• Decembro 2016: O Camiño dos Faros volve á TVE con Edu Soto.
• Novembro 2015: Os alcaldes únense á loita pola homologación do Camiño dos Faros como Sendeiro GR.
• Decembro 2014: A Costa da Morte aposta unida por un Camiño dos Faros Ruta de Gran Percorrido.
• Abril 2013: O Camiño dos Faros ábrese ao mundo.
• Febreiro 2013: Percorrendo a pé, e con Traski, o Camiño dos Faros da Costa da Morte.