Mañá de nervios, de reencontros, de sorrisos… Este xoves 8 de setembro arrincaba o curso 2022/2023, e un total de 12.866 alumn@s comezan as clases nos centros escolares da Costa da Morte.

Recortes

Non faltou a obrigada cita anual cos #recortes por parte da Xunta, e volveron aparecer en forma de falta de mestres no CEIP de Dumbría.
Tamén as ANPAS dos centros de Cee saíron á rúa e se mobilizaron na Praza 8 de marzo durante a xoranda de onte mércores, para esixir un Ensino Público de Calidade no Rural. Así foi o manifesto das ANPAS da comarca fisterrá:

As familias da Costa da Morte témolo claro: Os nosos fillos e fillas non son números que se poidan combinar ao antollo dunha consellaría empeñada en desmantelar o Ensino Público Galego con unha política de recortes  no profesorado que afecta directamente aos colexios do rural. 
As familias da Costa da Morte sabemos ben que onde non hai profesorado de apoio, non hai apoios; que onde non hai posibilidade de escoller calquera opción, non hai igualdade; que onde non hai profesionais dispoñibeis, non hai atención á diversidade; que onde non hai desdobres ou posibilidade de titorías, non hai xeito de axudar a quen non dá avanzado ao mesmo ritmo ca o resto. 
Por iso nos concentramos, en unidade, pola loita común que é un Ensino público de calidade para os nosos fillos e fillas. 
É realmente penoso que teñamos que xuntar folgos e berrar "NON AOS RECORTES"  e demandar algo que é un dereito universal: unha educación Pública, igualitaria e gratuita. 
Se así o queren na consellaría, así o seguiremos facendo. 
A COSTA DA MORTE NON VAI CANSAR!

Esta é a lista de alumnado por concellos:

Novas relacionadas

• A comunidade escolar do CEIP de Dumbría, en loita contra os recortes.