Cogami asesora máis de 700 persoas con discapacidade da Costa da Morte en orientación laboral
O Servizo de Orientación e Intermediación Laboral (SIL) que ten COGAMI habilitado para atender ás persoas con discapacidade que buscan emprego está situado nas instalacións que a Confederación Galega de Persoas con Discapacidade ten nas sete cidades galegas. Sen embargo, moitas das persoas que demandan este servizo viven en zonas rurais, por iso, co fin de facerlles unha atención máis doada, durante dous días á semana un profesional desprázase ata estas zonas.
Yolanda Grandal é unha das orientadoras laborais que ten COGAMI nas instalacións de A Coruña e que se despraza ata concellos que forman parte das comarcas de Bergantiños e Soneira. Son arredor de 4.400 quilómetros anuais os que percorre Yolanda Grandal para coñecer as necesidades das persoas usuarias dos concellos que atende.
Polo sur da bisbarra, é Iván Lamela, o que realiza 9.000 quilómetros polas comarcas de Muros, Noia, Barbanza e Sar (Carnota, Mazaricos e Muros entre eles) para atender ás persoas usuarias.
Na Costa da Morte son máis de 700 persoas as que se aproveitan deste servizo:
| Concello | Homes | Mulleres | Total |
| Carballo | 181 | 103 | 284 |
| A Laracha | 41 | 21 | 62 |
| Coristanco | 27 | 14 | 41 |
| Malpica | 26 | 11 | 37 |
| Ponteceso | 33 | 10 | 43 |
| Cabana | 31 | 11 | 42 |
| Vimianzo | 14 | 10 | 24 |
| Zas | 23 | 12 | 35 |
| Laxe | 17 | 11 | 28 |
| Camariñas | 11 | 7 | 18 |
| Carnota | 19 | 4 | 23 |
| Muros | 47 | 20 | 67 |
| Mazaricos | 11 | 6 | 17 |
| TOTAL | 481 | 240 | 711 |
Destas persoas integrantes na base de datos, durante o ano 2019, a orientadora laboral Yolanda Grandal realizou un total de 76 orientacións, das que 65 foron realizadas na comarca de Bergantiños e 6 na de Soneira. En canto aos perfís predominantes, resalta Yolanda Grandal, que carecen de formación regrada e, no caso de tela, contan con estudos básicos, sendo moi limitados os coñecementos informáticos a nivel usuario. Moitas das persoas que chegan novas veñen tras obter un certificado de incapacidade laboral para a profesión habitual, co que é necesaria que se sometan a unha reciclaxe para volver entrar no mercado.
51 insercións
Segundo datos que manexa esta área, durante este ano foron 24 as persoas inseridas laboralmente, 23 na comarca de Bergantiños e 1 na de Soneira. Tres destas insercións lográronse tras rematar un curso de Operacións Auxiliares de Servizos Administrativos e Xerais en Cabana de Bergantiños.
Ademais, 27 persoas atoparon traballo durante este 2019 na comarca de Muros.
