Venres. 29.03.2024
El tiempo

O Comité de XEAL denuncia que a dirección mantén traballando persoal de grupos de risco

O Comité de XEAL denuncia que a dirección mantén traballando persoal de grupos de risco

A dirección de XEAL asegura que ten implantado novos protocolos para “preservar a saúde e seguridade dos traballadores á vez que cumprir cos seus compromisos de produción e actividade económica”. Entre esas medidas, está a concentración da produción da compañía en dous fornos e a realización de dous equipos de traballo a quendas completas durante 14 días, de xeito que, mentres o primeiro equipo estea nas plantas producindo, o segundo equipo poida estar en cuarentena preventiva no seu domicilio.

En todo caso, parece que a loita sindical non diminúe nin co estado de alarma, pois o Comité de Empresa vén de emitir un duro comunicado sobre a “nefasta xestión que está a facer a dirección da empresa ante a situación de emerxencia sanitaria xerada polo coronavirus, non garantindo a seguridade e a saúde dos seus traballadores/as e mantendo no seu posto de traballo a compañeiros e compañeiras que se atopan nos grupos de risco”.

Denuncia que a dirección non consultou as medidas preventivas cos propios traballadores, “e nin sequera tivo a ben trasladar un listado de persoas en grupo de risco elaborado polo servizo médico. Polo que nestes momentos hai traballadores e traballadoras que, a pesar de formar parte dalgún dos grupos máis vulnerábeis, teñen que seguir acudindo ao seu posto de traballo con normalidade.

Máis medidas

Dende o Comité entenden que as “as medidas postas en marcha até agora foron as máis doadas e beneficiosas economicamente para a empresa”. O peche doutros dous fornos para concentrar a produción é o exemplo máis claro.
Por iso piden que se doten de EPIs para todo o persoal no número necesario e a hixienización dos postos, así como a reorganización do traballo para poder garantir que se respectan as distancias de seguridade e non se producen aglomeracións.

O peche do comedor, e “a clausura dun vestiario, amoreándonos no resto dos vestiarios”, son outras medidas “para aforrar custes” segundo entenden os traballadores.

Así mesmo, os traballadores piden un certificado para entregar ás autoridades.

Novas sobre o coronavirus

Comentarios