Hai un ano que a Xunta remotaba, con “só” 10 anos de retraso o Plan de Conservación e Posta en Valor dos Penedos de Traba e Pasarela. Nada se fixo nestes últimos 12 meses dende administración autonómica e pouco, debido ás eleccións, dende o eido municipal. Pero o proxecto non está nin moito menos enterrado.

Da man dos seus comprometidos técnicos municipais os concellos de Laxe e Vimianzo volveron sentar na mesa para retomar o proxecto.

O Técnico de Deportes de Vimianzo, Víctor Santos, e a Técnica de Turismo de Laxe, María Mato, a Alcaldesa de Vimianzo, Mónica Rodríguez, e a Concelleira de Turismo de Laxe, Raquel Lema, sentaron para “impulsar decididamente a posta en valor da Paisaxe Protexida dos Penedos de Pasarela e Traba”. Os técnicos debullaron ás novas responsables municipais a contextualización do estudo técnico preliminar redactado polos técnicos municipais, no que se contemplan unha serie de actuacións encamiñadas a achegar a singularidade dos Penedos tanto á poboación local coma a poboación visitante.

Propoñen unha serie de accións de comunicación, actividades de dinamización, tarefas de mantemento e sinalización, ou proxectos de investigación, entre outros. Puntualizouse especialmente na importancia de acometer con prioridade actuacións de sinalización, protección e conservación dunha ruta de sendeirismo que permita percorrer a Paisaxe no seu conxunto.

NOVAS RELACIONADAS

• Decembro 2018: Os Penedos xa ten imaxe para o seu póster.
• Novembro 2018: 10 anos despois a Xunta comeza a traballar no Plan dos Penedos.
• Setembro 2018: Os penedos cobran vida.
• 2018: Laxe e Vimianzo únense para reivindicar os Penedos como #moitomáisquepedras.
• 2018: Augusto Pérez-Alberti: “É lamentable que a Xunta non fixera nada dez despois da declaración dos Penedos de Traba e Pasarela como Paisaxe Protexida”.
• 2018: Unindo forzas entre Concellos para salvar os Penedos
• 2016: O SEMESCOM presenta dous calendarios para o 2016 con imaxes dos Penedos de Pasarela e Traba.
• 2014: Vimianzo esixe o Plan de Conservación dos Penedos de Traba e Pasarela.
• Os vídeos da Semescom: Os penedos de Traba e Pasarela.
• Lorena Martínez Canosa: Moitas paisaxes, pero só unha protexida.
• 2009: Os Penedos de Traba e Pasarela son oficialmente Paisaxe Protexida.

FONTE

• Redacción de QPC ([email protected]).